Haradinaj: ShBA-ja nuk duhet ta barazojë Kosovën me Serbinë

20 shkurt 2020 | 12:32

Lideri i AAK-së, Ramush Haradinaj, sot ka pritur në takim ambasadorin amerikan, Philip Kosnett, ku kanë diskutuar për procesin e dialogut Kosovë-Serbi.

Në profilin e tij në “Facebook”, Haradinaj ka shkruar se Shtetet e Bashkuara nuk duhet të barazojnë Kosovën me Serbinë si palë, sepse orientimet e këtyre dy shteteve në politikë të jashtme kanë kahje të kundërta.

Postimi i plotë i Haradinajt:

Prita në takim Ambasadorin e SHBA-ve Z. Philip Kosnett ku diskutuam për vizitën time ne SHBA dhe takimet atje.
Ambasadorit Kosnett i thash se është i mirëseardhur dhe i nevojshëm aktivizimi i SHBA-ve në dialog. Shtetet e Bashkuara nuk duhet të barazojnë Kosovën me Serbinë si palë sepse orientimet tona në politikë të jashtme kanë kahje të kundërta. Përderisa Kosova stoikisht qëndron prapa SHBA-ve në të gjitha sfidat globale, Serbia vazhdon që të jetë sateliti dhe arma kryesore e Rusisë në Evropë.
I paraqita Ambasadorit Kosnett nevojën për marrëveshjen finale që rezulton në njohje reciproke në kufijtë ekzistues dhe kjo duhet të përmbyllet sa më shpejtë.

Lajme të sponsorizuara

Të fundit
Kryeparlamentarja, Vjosa Osmani ka marrë pjesë në aktivitetin e shënimit…