Haziri pret ambasadorin e Hungarisë, bisedojnë për bashkëpunim në disa programe

14 janar 2021 | 13:00

Kryetari i Komunës së Gjilanit, Lutfi Haziri, ka pritur të enjten në takim ambasadorin e ri të Hungarisë në Kosovë, Jozsef Bencze.

Haziri e ka falënderuar ambasadorin Bencze për vizitën, duke njoftuar se gjatë takimit kanë biseduar për disa aspekte të bashkëpunimit në të ardhmen.

“Ambasadori i shtetit mik, Hungarisë, z. Bencze e ka vizituar fillimisht Universitetin ‘Kadri Zeka’, në vitin e Kadri Zekës, duke na bërë nder të gjithëve, duke prezantuar programin për studentët për të studiuar në universitetet të Hungarisë. Unë e njoftova ambasadorin për zhvillimet pozitive në Gjilan. Besoj që do të takohemi shumë shpejt për t’i zhvilluar programet tona të përbashkëta në nivel komunal”, ka thënë Haziri.

Ndërkaq, ambasadori i ri i Hungarisë në Kosovë, Jozsef Bencze, e ka falënderuar kryetarin Haziri për pritjen e ngrohtë, derisa konfirmoi se kanë bashkëbiseduar për bashkëpunimin në disa programe, në aspektin ekonomik, të edukimit e të kulturës.

(Q.R / Epoka e re)

Lajme të sponsorizuara

Të fundit
Trajneri i Arsenalit, Mikel Arteta ka folur për të ardhmen…