Shefi i EULEX-it heq kapelën për Hotin që udhëtoi me aeroplan të klasit ekonomik për Bruksel
Shefi i EULEX-it në Kosovë, Lars-Gunnar Wigemark, ka hequr kapelën për kryeministrin e Kosovës, Avdullah Hotin për një veprim të fundit të tij.
Hoti ka udhëtuar me aeroplan të klasit ekonomik për në Vjenë e më pas për në Bruksel, prandaj Wigemark ka duartrokitur atë për këtë veprim.
“Heq kapelën për kryeministrin e Kosovës, Avdullah Hotin, i cili ka udhëtuar me ne në klasën ekonomike Prishtinë-Vjenë dhe më pas nga Vjena në Bruksel. Sa kryeministra të Ballkanit Perëndimor do të kursenin paratë e taksapaguesve në këtë mënyrë?”, ka shkruar Wigemark në llogarinë e vet në “Twitter”.
Hoti të enjten do të takohet me Aleksandër Vuçiqin në kuadër të procesit të dialogut.
Hats off for #Kosovo ?? Prime Minister @Avdullah Hoti who today travelled with the rest of us in economy class on the ✈️ Pristina to Vienna and on the ✈️ below from Vienna to Brussels. How many other Western Balkans’ Prime Ministers would save on tax payers money in such a way? pic.twitter.com/XiOmXyY5w7
— Lars-Gunnar Wigemark (@LarsGWigemark) July 14, 2020
