Hoti: Kanë mbetur veç disa detaje teknike për arritjen e koalicionit

28 prill 17:04

Kandidati për kryeministër nga LDK, Avdullah Hoti ka folur para mediave pas takimit që ka pasur me kreun e Nismës, Fatmir Limaj.

Para mediave, Hoti ka thënë se partitë janë në fazat finale të përmbylljes së marrëveshjes dhe se shumë shpejtë e njëjta do të votohet në Kuvend.

“Jemi në fazat finale të përmbylljes së marrëveshjes me të gjitha partitë. Besoj që shumë shpejtë do të dalim para deputetëve të Kuvendit për të votuar qeverinë. Dakordimi ka qenë më herët dhe bisedat më të mëdha janë kryer. Marrëveshjet marrin parasysh peshën që e ka secili subjekt”, ka thënë ai.

Ai ka thënë se edhe AKR-ja do të jetë pjesë e qeverisë.

“ Do ta marrin qeverinë në një kohë të vështirë, që të kthejmë miqësitë që janë lënduar këto ditët e fundit si dhe në kohë pandemie. Unë jam shumë i kënaqur me përbërjen, dhe besoj që nesër do të dalim para opinionit me përbërjen e re të qeverisë. Edhe AKR-ja do të jetë pjesë e kësaj qeverie. Është çështje ditësh, deri sa t’i finalizojmë disa detaje teknike”,  tha në fund Hoti.

Lajme të sponsorizuara

Të fundit
Një miliard njerëz mund të infektohen me koronavirusin në botë…