“Do t’i kthehemi arsimit fuqishëm pasi që pa arsim as liria nuk ka kuptim. Ju drejtorë keni bërë një punë të jashtëzakonshme. Vullneti dhe gatishmëria juaj ka qenë e pakontestueshme andaj në nivel vendi kemi gjithsej 44723 fitues. Vetëm komuna e Prizrenit ka gjithsej 3241 fitues në të dyja garat në të tria nivelet. E vlerësoj shumë edhe përfshirjen e komuniteteve në Programin Nacional për Rininë, pasi që ai është hartuar për të gjithë nxënësit pa dallim, kjo është edhe e bukura e Prizrenit. Falë Prizrenit ne kemi pasur shumëllojshmëri të komuniteteve si në kampe, ashtu edhe bursistë. Unë pres që edhe në garat e tanishme nxënësit e komunës suaj të tregohen të suksesshëm”. Kështu tha Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, para drejtorëve të shkollave të komunës së Prizrenit.

Koordinatori Hoti tha se suksesi i nxënësve të Prizrenit i arritur në gara garat nacionale të Kreativitetit Kulturor dhe Mendimit Kritik dhe atyre të Diturisë nuk do të ishte i mundur pa përkushtimin e drejtorisë komunale të arsimit, drejtorëve dhe stafit të shkollave.

Ai tha se gjatë realizimit të garave ka pasur sfida mirëpo janë tejkaluar në bashkëpunim me këta akter.

/Epoka e re/