Hoti uron sekretarin e ri amerikan, jemi të përkushtuar të punojmë me ju

28 janar 2021 | 11:45

Kryeministri në detyrë i Kosovës, Avdullah Hoti, i ka dërguar një letër urimi Sekretarit të ri të Shtetit të Shteteve të Bashkuara të Amerikës, Antony Blinken.

Hoti ka vlerësuar se u është mirënjohëse Shteteve të Bashkuara të Amerikës për rikonfirmimin e mbështetjes për Republikën e Kosovës.

Në letër, ai ka shkruar se Kosova është e përkushtuar të punojë për të përshpejtuar përpjekjet për të arritur marrëveshjen e normalizimit.

“Z. Sekretar, ne jemi të përkushtuar të punojmë me Ju për të përshpejtuar përpjekjet për të arritur marrëveshjen e normalizimit, midis Republikës së Kosovës dhe Republikës së Serbisë, të bazuar në njohjen reciproke. Kjo marrëveshje do të forconte stabilitetin rajonal dhe do t’u mundësonte të dy vendeve të realizonin potencialin e tyre të plotë të bashkëpunimit”, ka shkruar Hoti.

Letra e plotë e Hotit:

Letra e urimit për Sekretarin Amerikan të Shtetit, z. Antony Blinken

I nderuari Z. Blinken,

Në emër të Qeverisë së Republikës së Kosovës, urime për konfirmimin tuaj në postin e Sekretarit të Shtetit.

U jemi mirënjohës Shteteve të Bashkuara të Amerikës për rikonfirmimin e mbështetjes për Republikën e Kosovës, si një shtet i pavarur, shumetnik, demokratik dhe i integruar plotësisht në strukturat Euro-Atlantike.

Z. Sekretar, ne jemi të përkushtuar të punojmë me Ju për të përshpejtuar përpjekjet për të arritur marrëveshjen e normalizimit, midis Republikës së Kosovës dhe Republikës së Serbisë, të bazuar në njohjen reciproke. Kjo marrëveshje do të forconte stabilitetin rajonal dhe do t’u mundësonte të dy vendeve të realizonin potencialin e tyre të plotë të bashkëpunimit.

Kosova është e përkushtuar të punojë me ju, si dhe me partnerët tanë në Bashkimin Evropian, për fuqizimin e sundimit të ligjit, krijimin e stabilitetit, zhvillimin e qëndrueshëm ekonomik dhe zhvillimin e demokracisë, si një vend plotësisht i gatshëm për procesin e integrimit Euro-Atlantik.

Shkëlqesia Juaj, ju lutemi pranoni konsideratën time më të lartë.

Sinqerisht,

Avdullah Hoti

Kryeministri i Republikës së Kosovës

No photo description available.

Lajme të sponsorizuara

Të fundit
Aziz Kelmendi dhe enigma e vrasjeve pa luftë në kohë…