Hoti: Zoti e bekoftë jetën dhe veprën e Fehmi e Xhevë Lladrovcit
Kryeministri Avdullah Hoti ka përkujtuar Fehmi e Xhevë Lladrovcin në 22-vjetorin e rënies së tyre.
Në profilin e tij në “Facebook”, Hoti ka shkruar se rënia heroike e Fehmi e Xhevë Lladrovcit dhe bashkëluftëtarëve të tyre, na kujton përkushtimin dhe sakrificën e madhe për liri, pavarësi dhe demokraci.
Postimi i plotë i Hotit:
Njëzet e dy vjetori i rënies heroike të Fehmi e Xhevë Lladrovcit dhe bashkëluftëtarëve të tyre, na kujton përkushtimin dhe sakrificën e madhe për liri, pavarësi dhe demokraci.
Pushka e tyre shkrepi për të mbrojtur pragun e shtëpisë dhe ekzistencën e popullit tonë, andaj dhe bashkësia ndërkombëtare ishte aleate e fuqishme e luftës sonë të drejtë.
Zoti e bekoftë jetën dhe veprën e Fehmi e Xhevë Lladrovcit dhe bashkëluftëtarëve të tyre!