Kryetari në detyrë i Partisë Demokratike të Kosovës (PDK), Enver Hoxhaj, së bashku me kryesinë e degës së PDK-së dhe kryetarin e saj, Hajdar Beqa kanë përkujtuar 22 vjetorin, ditën e çlirimit të Komunës së Gjakovës, më 14 qershor të vitit 1999 duke bërë homazhe pranë varreve të dëshmorëve të Kombit.

Siç dihet komuna e Gjakovës është njëra ndër komunat që kanë dhënë shumë dëshmor dhe martirë të kombit për lirinë e Kosovës.

Kështu ka bërë të ditur kryetari i degës Hajdar Beqa, përmes postimin në “Facebook”.

Postimi i plotë i Beqës:

Të dashur qytetarë,

Urime 14 Qershori, Dita e Çlirimit të Gjakovës!

Me rastin e 14 Qeshorit, sot bashkë me Kryetarin e Partise Demokratike të Kosovës z. Enver Hoxha dhe strukturat e degës bëmë homazhe ne disa nga vendet ku pushojnë me meritorët për liri. Sot këtë ditë Gjakova dhe Kosova po e presim pa krerët e Ushtrisë Çlirimtare të cilet padrejtësisht po mbahen ne Hagë dhe po e ripaguajn çmimin e lirisë.

14 Qershori është  dita më e ndritshme dhe më e rëndësishme për vendin tonë.

Ne këtë ditë përkulemi me respekt para të gjithë atyre që luftuan dhe u flijuan për lirinë dhe pavarësinë e Kosovës!

Përjetësisht mirënjohës Ushtrisë Çlirimtare të Kosovës, Shteteve të Bashkuara të Amerikës, NATO-s, dhe shteteve mike që mbështetën çlirimin tonë.

Përjetsisht me ju Çlirimtarë!

Lavdi  për të gjithë të rënët për liri!