XHEVAHIR SPAHIU

HYRJE NË TRAGJEDI

Një kosë vringëllon mbi Kosovë.

Tehu i kosës sajon nëpër ajër

fjalën paqësore masakër.

Pas gostisë së përgjakshme vjen paqja?

Në tragjedi le të hyhet pa maska.

BALADË PABESIE

A.P.

Udhë pa udhë.

Ç’udhë e gjatë.

Nata ish vetmi.

Vetmia ishte natë.

Natëno. Vetëmo.

Në një shteg pret një plagë

e pas plagës një shpagë.

Nata ish vetmi.

Vetmia ishte natë.

Natovetmiegjatë.

Udhë pa udhë.

I paudhi nis plumbin e zi.

Natëno. Vetëmo.

Oi, oi!

(Këto poezi janë botuar në sprovën për antologji “Dritë mbi plagë”, botuar nga Qendra “Gjenocidi në Kosovë – Plagë e Hapur”, Gjenevë, 2020)