Hysenagolli: Do të rritë basketbollin shqiptar 

01 tetor 16:20

Endrit Hysenagolli është njëri nga basketbollistët që ka luajtur në Kosovë dhe Shqipëri. Ai e mirëpret krijimin e Ligës Unike dhe e sheh si shumë pozitive për basketbollin mbarëshqiptar.

Hysenagolli ka luajtur për Bashkimin dhe Pejën në Kosovë, kurse në Shqipëri luajti për Partizanin, Tiranën, Teutën, kurse tash është anëtar i Goga Basket. Qendra e Kombëtares shqiptare në një intervistë për faqen zyrtare të FBK-së ka folur për krijimin e Ligës Unike.

“Krijimi i Ligës Unike për mendimin tim është një ide e shkëlqyer, si në aspektin e rritjes së nivelit të baskebollit shqiptar, po ashtu edhe në bashkimin e Kosovës me Shqipërinë. Mendoj që është një mundësi e artë edhe për lojtarët e rinj si në Shqipëri, po ashtu në Kosovë, duke fituar përvojë nga kjo ligë, duke e ditur se, skuadrat do të jenë më të forta”, është shprehur Hysenagolli.

Ai beson se do të rritet interesimi në të dy vendet. “Besoj se edhe interesimi do të jetë i madh, si në Shqipëri, por edhe në Kosovë. Do të ishte një gjë shumë e bukur të luhej me tifozë me sallat plotë, duke ditur që Kosova i ka sallat e zjarrta, po besoj se, edhe këtu (Shqipëri) do të ketë interesim të madh dhe palestrat do të mbushen”, ka thënë Endrit Hysenagolli.

Lajme të sponsorizuara

Të fundit
Kryetari i komunës së Gjakovës, Ardian Gjini, ka emëruar disa…