I është dhënë lamtumira e fundit rreshterit të Policisë së Kosovës, Afrim Bunjaku, i cili është vrarë të dielën në veri të vendit në përballje me bandat kriminale serbe.

Në ceremoninë e varrimit në Samadrexhë të Vushtrrisë kanë marrë pjesë përfaqësuesit e institucioneve, partive politike, ambasadorë të vendeve mike dhe qytetarë të shumtë.

Para se të përcillet për në banesën e fundit, presidentja Vjosa Osmani e ka shpallur rreshterin Bunjaku hero të Kosovës.

Ajo ka thënë se Bunjaku ka sakrifikuar jetën e tij për mbrojtjen e sovranitetit dhe integritetit territorial të Kosovës.