Tetovë, 21 Gusht 2023!

Gazetari: Të nderuar shikues, përshëndetje!
Mirë se po takohemi bashkë, në këtë edicion të ri të RTK Prime!

Sonte jemi në Tetovë, në zyrën e kryetarit të Bashkimit Demokratik për Integrim në Maqedoninë e Veriut, zotin Ali Ahmeti, me të cilin do të flasim për zhvillimet që po ndodhin këtu, por edhe ato, për debatin në fakt që po vazhdojmë pas vizitës së kryeministrit Kurti këtu.
Zoti Ahmeti, faleminderit që na pritet!
Faleminderit që je pjesë e RTK Prime sonte!
ALI AHMETI: Mirë se keni ardhë.

Gazetari: Mirë se ju gjetëm.
Do të flasim për shumë zhvillime zoti Ahmeti, për ato që po ndodhin në Maqedoninë e Veriut, me ndryshimet kushtetuese tashmë që ka një debat shumë të madh dhe posaçërisht spektri politik shqiptar ka një polarizim të skajshëm të debatit për këtë, por dua ta nisim këtë intervistë me ju me vizitën e Kryeministrit Kurti pak ditë më parë këtu, sepse po vazhdon debati për këtë.
Si e vlerësoni ju atë vizitë?
ALI AHMETI: Tani çështja është që unë kam mbajtur në vazhdimësi linjat shtetërore, komunikimin me shtetin të Kosovës, të Shqipërisë dhe asnjëherë nuk jam involvu në çështje të brendshme të partive politike, si me Kosovë, si në Shqipëri.
Me Kosovën kam disa veçori, disa specifika, sepse unë në Kosovë i kam shokët e shpërndarë.
Një pjesë të madhe të shokëve e kam në PDK, një pjesë të madhe të shokëve e kam në Aleancën për Ardhmërinë e Kosovës, një pjesë i kam në Lëvizjen Vetëvendosje, kam miq që kam komunikuar, që kam bashkëpunuar para luftës edhe në Lidhjen Demokratike të Kosovës, kam shokë e miq që kanë vepruar, në Lëvizjen për Bashkim dhe asnjëherë nuk kam marrë anë, për arsye se mua më është dashur shteti, komunikimin me shtetin, si me Kosovën, ashtu edhe me Shqipërinë.

Gazetari: E thatë dy herë nuk keni marrë anë dhe keni marrë linj me shtetin.
Pse po e thoni këtë?
Poti tendenca për të marrë anë gjatë kësaj vizite?
ALI AHMETI: Sigurisht që me të dëgjuar kreun e komunës së Tetovës, vizita e zotit Kurti është bërë dhe është organizuar pikërisht për të mbështetur opozitën, do të thotë dhe mua kjo më bëri shumë përshtypje dhe aspak nuk mora ndonjë iniciativë për të bërë takime shtesë në Kosovë, në veçanti me ekzekutivin e e Kosovës, me Qeverinë e Kosovës, kërkesa ka qenë e Qeverisë së Kosovës për t’u bërë një takim me zotin Liburn Aliu, që është më i thirruri për çështjen e hapjes së rrugës Tetovë – Prizren dhe pse në program qeveritar, po edhe në Programin Zgjedhor të Bashkimit Demokratik për Integrim me u me prioritet kanë qenë në korridori i tetë dhe aneksi i Tetovë Prizren.
Kështu që, tash nuk i di zhvillimet e brendshme në Qeverinë e Kosovës dhe më bëri përshtypje kjo kërkesa e zotit Liburn Aliu, edhe pse unë kam njohje shumë më të hershme me familjen e zotit Aliu, me të afërmit e zotit Aliu.
Liburni është nipi i Osman Zhitisë, Osman Zhitia është babai i Afrim Zhitisë, unë me Afrim Zhitinë kam patur një, mos të them nje jetë të tërë, po në momentet ma vendimtare, të çështjes shqiptare në periudhën tetëdhjetë e tetë-tetëdhjetë e nëntë derisa është vra, kemi qenë jo në komunikim, por në veprim bashkë.
Kemi qenë deri në organizimin e Konferencës së Parë që është mbajt në Divlakë të Drenicës, në shtëpinë e Nezir Zogajt dhe sigurisht që këto lidhje kanë burim nga momente tepër të rëndësishme të popullit tonë, me siguri që Liburnin edhe kjo çështje e ka shtyrë.

Gazetari: Do t’i kthehemi këtyre detajesh, por dua të kthehem te debati për këtë, sepse ju tha që ë në fakt edhe për këtë emision, javën e kaluar e ka konfirmuar Bilall Kasami, kryetari i komunës që vizita e Kurtit ka qenë për të mbështetur opozitën shqiptare.
Gazetari: Këtë e ka thënë edhe kryetari i Çairit dhe sipas tyre, duke parë numrin e madh të popullatës, BDI-ja dhe pushteti u alarmuan duke bërë deklarata për llojin dhe rolin e vizitës së Kurtit në Maqedoninë e Veriut.
ALI AHMETI: Kurrfarë alarmi nuk ka pas as nga pushteti as nga Bashkimi Demokratik për Integrim edhe asnjë shqetësim, por e mira edhe e shëndetshme është që të mos ketë ndërhyrje nga jashtë, sepse ju nuk i dini rrethanat në Republikën e Maqedonisë së Veriut.
Ju nuk e dini konfiguracionin, pse e them këtë, sepse…

Gazetari: A kishte ndërhyrje zoti Ahmet?
Ai përmendi ndërhyrjen disa.
ALI AHMETI: Sepse edhe unë nuk e kam ditë!

Gazetari: A e ka pasur këtë?
ALI AHMETI: Edhe sa e kam zbritë në Maqedoni të Veriut, unë detajet nuk i kam ditë në këtë shtet!
Sa shqiptarë, ku jetojnë, në çfarë cepesh ato jetojnë!
Dhe sot, ne e kemi ditë nga Struga linjën deri në Shkupe e Kumanovë, por nuk kemi ditë edhe për pjesë tjera të Prilepit, të Manastirit, të Prespës, të Velesit!
Kështu që, e para punës, është që në Maqedoni ka një marrëveshje ndërkombëtare, Marrëveshja e Ohrit.
Marrëveshja e Ohrit garantohet nga Shtetet e Bashkuara të Amerikës, nga Bashkimi Evropian dhe nga NATO!
Do të thotë kjo marrëveshje është nënshkruar dhe është dakorduar bashkë me autoritetet vendore në vitin 2001!

Gazetari: Po pse po e ndërlidhi këtë kur po i pyes për vizitën e zotit Kurtit këtu?
ALI AHMETI: Jo, po e ndërlidhi, sepse dëgjoj deklarata prej opozitarëve këtu, prej atyre që organizuan vizitën e zotit Kurti, sepse shqiptarët janë të keqtrajtuar, shqiptarët janë të maltretuar, shqiptarët po përjashtohen nga çdo e drejtë!
Unë jam i vetëdijshëm që shqiptarët, akoma nuk kanë arritë në pikën ku ata duhet të jenë, mirëpo ky është një proces dhe ne jemi përcaktu, lufta ka mbaru dhe tani në rrugë evolutive ne po realizojmë qëllimet!

Ne e kemi kërkuar flamurin kombëtar dhe është rast unikat në të gjithë botën që flamuri i një shteti përdoret edhe në një shtet tjetër zyrtar!
Flamuri shqiptar këtu është i paprekshëm dhe i garantuar me ligj!
Nëse kryetari i komunës nuk e ka në tavolinë të punës dhe përpara komunës, flamurin shqiptar, dënimi është pesë mijë euro!
Gjuha shqipe, është gjuhë zyrtare!
Shqiptarët sot kanë tre universitete: në Tetovë, në Shkup, Universitetin Nënë Tereza dhe Universitetin e Dytë, gjithashtu me financime nga shteti që është privato-publik, Universiteti i Evropës Juglindore.
Sot, ku i shoh unë të arriturat e shqiptarëve?
Unë i shoh të arriturat e shqiptarëve, sepse kur shkojnë në universitet, qoftë për një ligjëratë, qoftë për një shënim, aty ka studentë nga Gjakova, nga Mitrovica, nga Gjirokastra, nga Tirana!
Dhe shqiptarët në Maqedoni nuk kanë patur lëre më universitet, po dhe të kërkonin universitet, unë jom njëri nga ata, me dyqind studentë që më 1980 kemi kërkuar hapjen e universitetit në Shkup në gjuhën shqipe dhe në 1981-shin jemi dërrmuar në tortura, pse kemi kërkuar univerzitet.

Gazetari: E qartë, flasim për këto pas pak, por vetëm ta shtjerrim si si bisedë këtë çështjen e vizitës së Kryeministrit Kurti, sepse në javën e shkuar isha këtu dhe realizova emision me kryetarin e Çairit dhe të Tetovës dhe ata thanë që BDI-ja u përpoq që t’i japë kësaj vizite një karakter privat, dhe sipas tyre, shefi i diplomacisë së Maqedonisë së Veriut që vjen nga partia juaj, zoti Bujar Osmani, ishte ai që i dha këtë karakter me qellim, me tendencë të vizitës së kryeministrit Kurti këtu.
ALI AHMETI: Shife.
Tani për çështjen e vizitës, dakord vizita dhe edhe unë i bëj në Kosovë.
Unë jam pritur në Gjilan, për shembull kryetari i Gjilanit, që është i Vetëvendosjes.
Kemi vënë një gur themel për një njeri shumë meritor të Kosovës, Ramiz Cërnicën.
Në komunë të Podujevës, në Mirovc kemi ngritë përmendore në shtëtinë e Shaban Ajetit, njëri i merituar për të gjithë lëvizjet e viteve të tetëdhjetë e tetë, tetëdhjetë e nëntë, nëntëdhjetë e pas nëntëdhjetave.
Aty më përriti kryetari i Podujevës.
Kështu që, vizita këtu mbase mund të ketë edhe pak sherr nga partitë opozitare për të promovuar veten e tyre dhe për ta ngrit veten e tyre po përmes Kryeministrit të Kosovës dhe si duket këtë në këtë drejtimë kam pasur sukses që thjesht për mendim timin është keqpërdorimi i Kryeministrit të Kosovës vizita, sepse grupet e punës.

Gazetari: Keqperpedrim nga opozita shqiptare në Maqedoni?
ALI AHMETI: Po, grupet e punës kanë patur takime të vazhdueshme, bile ditën që erdhi zoti Liburn Aliu këtu, grupet edhe ekspertët ishin në në takim pune dhe raportonin ministrave të dhe zëvendësministrave të përkatës për zhvillimet brenda takimit, sepse
Ky rrugë nuk është edhe e lehtë, të qeshur me tunel Sharrin nuk është punë e vogël dhe duhet studim tepër shkencor.

Gazetari: E qartë, do të thërrasoj në të.
Por, për shkak që vizita e Kryeministrit Kurti mori një dimension në diskursin publik goxha të madh, sepse reagoi Presidenti i Republikës, Kryeministri, kryetarja e Shkupit edhe tjerë, edhe tjerë.
Duhet kontestuar edhe gjërat që ndodhin këtu, sepse emërimi i rrugës Adem Demaçi në Çairë u bë temë shumë e madhe.
Shkupi kërkon që të ketë një rishikim të gjithasaj.
Pse?
Pse erdhën në këtë në këtë diskurs, zoti Ahmeti?
ALI AHMETI: Mendoj që u ngutën edhe kryeministri, edhe presidenti i Republikës së Maqedonisë Veriut.
Jo një herë prej meje, për shembull opozita ka kërkuar opozita maqedone që unë t’i shaj ata.
Jo një herë. Mirëpo këtë nuk e bëj.

Gazetari: Opozita maqedoni ju ka kërkuar që t’i shani ata?
ALI AHMETI: Po si, që atyre t’u rritet rejtingu tek komuniteti maqedoni, sepse nuk është njësoj të dal unë dhe të shaj dhe të kundërshtoj një parti politike dhe të dal për shembull një parti minore tek shqiptarët që nuk i njeh as mahalla e vete.
Unë këtë nuk e kam bërë dhe kam thënë unë nuk jam i kësaj, i këtij ndërtimi, unë nuk…

Gazetari: Dhe ju kanë kërkuar këtë në këtë kohët e fundit?
ALI AHMETI: Më kanë kërkuar edhe kohët e fundit edhe më heret,
Unë nuk jam i ndërtuar prej ekraneve televizive as politikan.
Unë nuk jam i ndërtuar si politikan nga kancelari ose nga marrëveshjet nëpër bodrume.
Unë vij krejtësisht nga një strukturë tjetër dhe unë kur të nis të shahem, unë nuk shahem përditë, unë një herë shahem dhe ditën tjetër, o në të, o mbi të ka thënë Çerçiz Topulli.
Dhe unë sepse fjalë pas fjale nis, gur pas guri bëhet kalaja, fjalë pas fjale nis belaja, dhe unë jam tepër i kujdesshëm në këtë drejtim dhe jam i kursyer nga sharjet dhe nga fjalët, ma tepër jam i përkushtuar te dialogu, te demokracia e mirëfilltë, e luftrat, rezistencat, u kryen marrëveshjet që janë arritur dhe tash një fjalë e urtë popullore thotë fjala mas Kuvendi dhe pushka mas lufte, nuk kanë vlerë.

Gazetari: Diskursi ju i duket i ashpër në këtë drejtim zoti Ahmeti, sepse këtu nuk po flasim për bela, po flasim për zhvillime politike.
ALI AHMETI: Po i kthehem përsëri presidentit dhe kryeministrit dhe ua kam thënë, mos u ngutni, sepse ju po bini në graskën që është përgatit.
Dhe unë jam i bindur që as kryeministri i Maqedonisë, as presidenti, as Albin Kurti do të thotë nuk e kanë ditë këtë.

Gazetari: Ma shpjego pak graskën, si u pergatit kjo graskë?
ALI AHMETI: Sepse kjo mori me dimension ndërshtetëror, që nuk ishte e dobishme për për Kosovën kjo situatë.
Nuk është në leverdi të Kosovës, sepse ti kështu po ia hap shtegun edhe Vuçiqit të vijë ai e të thotë unë po e bëj një tunel ta lidhë Rudarin me ku e di un me një katun tjetër në Serbi atje.

Gazetari: Dhe është paralajmëruar një vizitë e mundshme e Vuçiqit në Maqedoni.
ALI AHMETI: Jo, ai mund të të vijë në Kosovë, Vuçiqi.
Po e thirr, për shembull, kryetari i Graçanicës ose i Parteshit, për shembull.
Çka do bëni?
Po e thirr kryetari i Parteshit, po e thirr.
Unë nuk e besoj që këto hollësi i ka vënë në spikam zoti Kurti, jo zoti Kurti do pasur takime të vazhdueshme me te, mirëpo tani rruga Adem Demaqi.
Rruga Adem Demaqi është votu me Badenter.
Në qytetin e Shkupit, pavarësisht asaj deklaratës së kryetares së Shkupit që do ngrisë si iniciativë për heqjen e rrugës Adem Demaci, po kjo punë është mbyllë kah kah kah kohë që është mbyllë dhe nuk është vetëm rruga Adem Demaci, por është Jusuf Gërvalla, por është Lëvizja Popullore e Kosovës, por ka dhjetëra e dhjetëra emra që janë ndryshuar në Shkup, po Lidhja e Prizrenit e kështu me radhë.
Dhe, për t’u heq rruga Adem Demaci, ka vendim edhe të Qeverisë, sepse vendimi i qytetit të Shkupit kalon në Qeveri.
Në qytet të Shkupit është votuar me Badenter dhe për t’u hekë emri i Adem Demaqit duhet përsëri formula e Badenterit.

Gazetari: Që praktikisht të bie që s’mund të ndodhej ajo.
ALI AHMETI: Që s’mund të ndodhi, ashtu.
Por përdoret tani për thjesht, për marketing politik nga partitë politike maqedone përballë elektoratit të tyre, sepse ka shumë reagime nga elektorati maqedonas dhe është shumë e vërtetë që ka reagime të mëdha.
U bë Shqipëria e Madhe, u bë Shqipëria e Madhe për korridorin e tetë.
Në momentin që u vunë gur themelin për korridorin e tetë, sa dy javë ditë rresht nuk janë ndalur reagimet.
Po e humbëm shtetin, u bë Maqedonia Shqipëri e Madhe.
Tani me këtë tunelin, rrugën Tetovë – Prizren.
Ja, u shkëput Maqedonia, u bë Shqipëria e madhe, nëse partitë politike për kredi ditore, nëse i fusin dhe bëjnë terror psikologjik mbi popullatën vendore këtu joshqiptare.

Gazetari: E kam vërejtë këtë diskursin polarizues edhe në fillim, e thashë zoti Ahmeti, por a bëri në këtë dimension edhe ftesa për t’u marrë në bisedë informative e kryetarit të Çahirit dhe të Tovës nga organet e rendit të Maqedonisë së Veriut pas vizitës së zotit Kurti, a i dha këtë dimension?
ALI AHMETI: Edhe kjo, edhe kjo u bë, edhe kjo u bë u thotë e pamenduar fare.
Edhe flamuri shqiptar është flamur zyrtar.
Jo rast se nuk e thashë unë rastësisht që kryetari i komunës, nëse nuk e ka para komunës edhe në tavolinë të punës pesë mijë euro dënimin e ka.
Po, tani për atë flamurin autoktonus që ishte, ikonografi e bë.

Gazetari: Autoktonus që ishte.
ALI AHMETI: Po ajo.
Ajo është një një krijimtari, dhe patriotike, dhe këtu kanë ngritur flamur, atë flamurin e Virgjinisë, të Maqedonisë Antike, Diellin, për shembull, e zbukurojnë është.
Ajo nuk ka kurrfarë prapavije.
Dhe ka njerëz të ri, që i ka bërë përshtypje dhe ky flamur, sidomos u afirmu me rastin e lojës Shqipëri-Serbi në Beograd, edhe ka të ri që i përqafojnë ka të ri, që nuk mbajnë llogari dhe përgjegjësi për procese, nuk mbajnë llogari për marrëveshje si duhet të implementohen, zbatohen marrëveshjet.
Edhe ngriti flamur të tillë me Isa Boletinin, me Ismail Qemajlin.
Po Isa Boletini është tre metra e gjysmë në sheshin e Sarajit.
Shtatorja e Isa Boletinit, Isa Boletini ka jetu në Shkup, po Bajram Curri ka jetu në Shkup, po Hasan Prishtina e ka jetu në Shkup, po kanë udhëheqë kryengritje në Shkup, po e kanë çliru Shkupin, Hasan Prishtina, Bajram Curri e Isa Boletini, ata janë të pandarë prej historisë së shqiptarëve.

Gazetari: Prandaj, kjo kjo çfarë për po që të bëjnë organet e rendit të Maqedonisë së Veriut, është për efekt elektoral, për të nxitë elektoratin?
ALI AHMETI: Për për për efekt elektoral është më tepër dhe për t’i për për të zvogëluar sadopak frikën e për fat të keq, të maqedonasve të karshi shqiptarë shqiptarëve.

Gazetari: Sepse këtu desha dalë, sepse nxitja e elektoratit ose mbajtja e elektoratit në në disponim, po them kushtimisht kështu në duke pasur nuanca ndëretnike mund të jetë e rrezikshme.
ALI AHMETI: Rreziqet mund të jenë më tepër teorike.
Maqedonia ka hyrë në rrugë pa kthim, është anëtare e NATO-s.
Jemi në proces të pakthim për anëtarësim në Bashkimin Evropian.
Pa Marrëveshjen e Ohrit nuk do të ishte Maqedoni, pa Marrëveshjen e Ohrit nuk do të ishte Maqedonia në NATO, pa marrëveshjen e Ohrit, pa Marrëveshjen e Prespës, pa marrëveshjen për fqinjësi të mirë me bullgarët, ne nuk mund të jemi anëtarë të Bashkimit Evropian, ne jemi në paradhomë për pranim në Bashkimin Evropian. Por ne duhet të bëjmë ndryshimin e Kushtetutës.

Gazetari: Do të flasim tash gjërësisht për ndryshimin e Kushtetutës, zoti Ahmeti, por edhe një çështje ta flasim për këtë punën e vizitës.
E gjithë kjo çfarë ndodhi dhe i gjithë debati që po bëhet, e kam vërej që partitë shqiptare në opozitë kanë një diskurs shumë akuzues ndaj jush, shumë të ashpër ndaj jush, madje thënë që ajo çfarë ndodhi me vizitën e Kryeministrit Kurti e ka bërë zotin Ahmeti dhe BDI ta kuptojë që ata do të shkojnë në opozitë, sepse turmat e njerëzish i dhanë mesazhin po ju po i referohen çfarë kanë thënë ata, po po i parafrazojnë.
A keni parë një sinjal të tillë gjatë kësaj kohe?
ALI AHMETI: Opozita përditë duhet të kërkojë zgjedhje, opozita përditë duhet të thotë që do i fitojë zgjedhjet, por kjo mbetet një ëndërr për ta parë.

Gazetari: Vetëm ëndërr?
ALI AHMETI: Koha do të provojë që vetëm një ëndërr dhe aq të vogël e minor janë, saqë subon derma as ëndrra nuk u bëjnë për ta shpënë në opozitë Bashkimi Demokratik për Integrim!
Një fushatë të tërë, Lidhja Socialdemokrate e Maqedonisë në krye me Zaevin ka bërë para tre vjetësh, bile-bile dhe ia mësuan edhe parollat shqip.
BDI në opozitë, bërtiste nëpër mitingje Zoran Zaevi, lere qe si humbi zgjedhjet Bashkimit Demokratik për Integrim, por pesëdhjetë për qind më shumë mandate fitoi sesa mandatin që e mbylli.
Edhe ky mandat gjithçka nuk dihet si do shkojë, por një punë dihet që Bashkimi Demokratik për Integrim është i pamposhtur dhe s’mund të fitohet, sepse ka bërë gjëra të prekshme për njerëzit, ka investuar në kuadro, ka investuar në ekspertë, me profesionalizëm drejton çdo dikaster, unë nuk them që të gjithë, qind për qind janë engjëj, sepse vetëm tridhjetë e pesë mijë anëtarë janë, nga tridhjetë e pesë mijë anëtarë sigurisht tre a katër mijë janë nëpër funksione të larta, unë nuk them të gjithë tre a katër mijë janë engjëj, por unë në vazhdimësi kam kërku të hapet hetim për çdo funksionar të Bashkimit Demokratik për Integrim, sepse unë s’mund të bahem as prokuror as hetues, mbi të gjitha sundimi i ligjit.
Por pa mëdyshje, jo drejtësi selektive, por të hapen hetime, sepse është bërë më trend, si mundemi ta fyejmë, të denigrojmë qoftë individë, qoftë parti politike, ka vjedhë, ka vjedhë, ka vjedhë, ka vjedhë, hajdutë, hajdutë, hajdutë…

Gazetari: Opozita shqiptare në Maqedoninë e Veriut do të thotë që s’mund të punësohesh në Maqedoninë e Veriut pa aminin e BDI-së, s’mund të marrësh projekt në Maqedoninë e Veriut pa aminin e BDI-së, s’mund të bësh asgjë pa aminin e BDI-së, kështu po thonë.
ALI AHMETI: Le të shkojnë.
Ka prokurori dhe unë këtë temë e kam kryer dhe unë nuk debatoj për për gjëra të të tilla!
Unë debatoj, unë prononcohem për çështje ideore, për çështje madhore.
Nga duhet të shkojë shteti?
Si duhet të jetë shteti?
Ne na duhet shtet ku të sundojë ligji dhe e kemi një nga kushtet e Bashkimit Evropian.
Ne insistojmë për veting, veting të mirëfilltë në këtë shtet.
Unë nuk them që është për mrekulli pjesa juridike e kuadërit.
Por si bëhet më mirë?
Ka mundësi edhe te bëhet përzgjedhje më e mirë, por kjo duhet hy në proces.

Gazetari: Kam dëgjuar zotin Grubi, duke thënë që pa BDI as rruga Adem Demaqi, e as emri i rrugës Adem Demaqi, e as tuneli, përkatësisht rruga Tetovë – Shkup nuk behetë, kështu është?
ALI AHMETI: Po sigurisht.
Me shoqata humanitare nuk bëhet as tunel, as me autostradë dy miliardë euro, vetëm korridori i tetë, bashkë me korridorin tetë, dy miliardë dhe eshte kostoja.
Kostaja mbi treqind milionë e aneksit Tetovë-Prizren.
Shoqata Nënë Tereza nuk mund t’i bëjë këta.

Gazetari: Kujt po i referohesh me këtë? Për shembull. Kush janë shoqatat në këtë kontekstin që po i përmend?
ALI AHMETI: Nuk mund të bëhet, nuk mund të bëhen nga komuna.
Këto janë projekte shtetërore.
As Komuna e Prizrenit as Komuna e Tetovës nuk mund ta bëjnë këtë.
Këto janë projekte nga marrëveshja ndërshtetërore.
Ashtu siç i kemi bërë marrëveshjet me Shqipërinë për korridorin e tetë, ashtu janë bërë marrëveshjet edhe me Qeverinë e Kosovës.
Qeveria e Kosovës nuk ka bërë marrëveshje me kryetarë komunash këtu, ka bërë marrëveshje dhe ka nënshkruar marrëveshje me institucionet e shtetit, me kryeministrin, me ministrat e përkatës, transportit.
Me ata është bërë dhe jo me ndërmarrjen publike për pastrimin e qytetit të Tetovës, as të Shkupit, sepse nuk i bëjnë ato rrugët!

Gazetari: Po rruga Adem Demaçi? Pse nuk bëhet pa BDI-në?
ALI AHMETI: Sepse BDI-ja ka qenë në pushtet dhe ka orientimin se si duhet të emërtohen rrugët, si në komunë, ashtu edhe në qytet të Shkupit.

Gazetari: Si keni raportet sot me Kryeministrin e Kosovës, Albin Kurti?
ALI AHMETI: Raportet i kam, ato partiake nuk kanë për mu prioritet, prioritet kanë raportet ndërshtetërore me Kosovën, sepse edhe unë kam nevojë për shtetin e Kosovës, po edhe Kosova ka nevojë për shtetin e Maqedonisë së Veriut, sepse ka shumë çështje që mund të ndihmojnë njëra-tjetrën.
Kosova është në nji proces goxha delikat drejtë konstituimit dhe pranimit ndërkombëtar si shtet, ne jemi drejtë anëtarësimit në Bashkimin Evropian që të jemi prioritet e tjera dhe trajtim tjetër si nga Brukseli, ashtu edhe nga Uashingtoni.
Kështu që unë kam patur një mbledhje të përbashkët me zotin Kurti, me ekipet e tij dhe ekipet e Bashkimit Demokratik për Integrim në Qeverinë e Republikës së Kosovës, ku gatishmëria jonë është në maksimum.
Për të ndihmuar dhe për t’iu përgjigjur çdo kërkesë të Qeverisë së Kosovës në raport me zhvillimet dhe proceset, nuk jemi euforikë, nuk jemi pa kuadër, më thotë
Bashkimit Demokratik për Integrim Udhëheqë, dikasteret më vitale të shtetit, ministrin e jashtme, financave dhe të sistemit pozitiv.

Gazetari: Prandaj, duke qenë se keni pozita të rëndësishme ne në shtet, ju pyeta për raportet që keni me kreun e Qeverisë së Kosovës.
ALI AHMETI: Ne përpiqemi që ta ndihmohemi Kosovën dhe këtë po e bëmë për çdo ditë.

Gazetari: Si po e bëni, por e thatë edhe ma herët, Kosova është në një moment delikat dhe është delikat edhe për shkak të zhvillimeve të fundit që po ndodhin, sepse diskutohet shumë për marrëveshjen, një prej tyre është arritur në Ohër, por që nuk po zbatohet zoti Ahmeti.
Jemi dëshmitarë të saj.
Tensionet në Veri, një marrëveshje e Bratislavës për shtensionim të situatës, por ende nuk ka diçka konkrete në hapa, pavarësisht gatishmërisë dhe si dilet nga nga kjo situate, edhe historinë tuaj edhe në raport me Kosovën, por edhe të këtyre marrëveshjet politike.
ALI AHMETI: Shife Bashkim, Kosova duhet të bashkëpunojë ngushtë me komunitetin ndërkombëtar, me Brukselin, me Uashingtonin.
Ne dhe mendoj që nuk gaboj që e përsëris edhe sot do ishim në luftë, ndoshta me shumë njerëz që ke bërë intervista, nuk do ishin që të bësh intervista.
Nuk do ta arrinin.
Pa ndihmën e NATO-s, pa intervenim të NATO-s, pa përcaktim të fortë të Shteteve të Bashkuara të Amerikës dhe të aleatëve të afërt të Shteteve të Bashkuara të Amerikës që intervenuan dhe i dolën në ndihmë popullit të Kosovës, Kosova nuk do ishte këtu ku është sot.
A të jemi realistë. Sepse Serbia ishte forcë shumë shumë e pajisur, mund të them nëntëdhjetë e nëntë herë më e pajisur sesa ne si Ushtri Çlirimtare e Kosovës klandestine.
Ajo kishte aviacionin, ajo kishte taksat, ajo kishte artileri të fuqishme, kishte raketa, tokë-ajrë, tokë-tokë, a kupton

Gazetari: Të pabarabartë në këtë drejtim absolutisht?
ALI AHMETI: Absolutisht dhe ne këtë luftë lirinë e kemi larë, jo që e kemi fitu, por liria jonë është e larë me gjak, por çlirimin e kemi bërë me aleatë.
Nuk bëhesh ndryshe dhe duke i pasë parasysh këto gjëra, Kosova duhet të jetë në komunikim, në bashkëpunim me Brukselin, me Uashingtonin, me NATO-n….
Kurrë nuk më ka dalë keq, edhe atëherë kur kam menduar që mbase, nuk e kanë drejt këtu amerikanët që ma sugjerojnë këtë zgjidhje, mua më ka dalë ma mirë dhe asnjëherë nuk jam zhgënjyer për njëzet e dy vjet sa unë kam bashkëpunuar, sa unë kam komunikuar, sa unë kam ndarë halle me Uashingtonin, me Brukselin, me NATO-n kurrën e kurrës keq nuk ka dalë ky komunikim, ky bashkëpunim.
Prandaj, ne do t’i kemi parasysh këto çështje, të jenë çështje të mëdha, të jenë çështje historike, kështu që Kosova, unë e kuptoj që nuk e ka lehtë, akoma ka njerëz të pa gjetur, nuk është lehtë, por nuk ke zgjidhje përveç dialogut, nuk ke zgjidhje tjetër ose po e shpallim luftë.
A është një fitore ma shumë nëse ne edhe një lufte të re po e fillojme?
Mendoj që duhet përsëri të gjendet mënyra e dialogimit dhe në mënyrën më demokratike të shtrohen problemet për zgjidhje përfundimtare.
Kosova duhet të shkojë drejt rrugëtimit të anëtarësimit në NATO, duhet të shkojë drejt rrugëtimit të anëtarësimit në Bashkimin Evropian, por edhe Serbia e ka rrugëtimin drejt Bashkimit Evropian dhe nuk mund të jetë as Serbia as Kosova pa i zgjidh problemet mes veti.

Gazetari: Dhe këtë mbetet mbetet për të pa si do të shkojnë, sepse duket që nuk do të jetë e lehtë edhe në vazhdim për të arritur deri te marrëveshja finale,..
Por tash dua të kthehem të flas për atë me çfarë do të përballet ose po përballet politika dhe shoqëria në përgjithësi në Maqedoninë e Veriut, sepse e përmendi disa herë që janë bërë disa marrëveshje që i kanë dhënë shumë garanca shqiptarëve dhe i kanë bërë faktorë të rëndësishëm në do t’ju gjykoj ata të cilët u veprojnë drejt, po ju parafrazoj në këtë situatë.
Po flas për ndryshimet kushtetuese, zoti Ahmeti, të cilat në shikim, pa hyrë shumë në përmbajtje unë, po do të hyj pas pak, duken të komplikuara.
ALI AHMETI: E pse të komplikuara Bashkim?

Gazetari: Sepse nuk ka një unitet të spektrit politik, qoftë të shqiptar, për të ecur para nga këto ndryshime kushtetuese.
ALI AHMETI: Te shqiptarët nuk ka divergjenca të natyrës së pakapërsyeshme, e për politika ditore paraqesin gjëja se të futet masi hapet ndryshimi i Kushtetutës, të zëvendësohet nga njëzet për qind në shqiptar, njëzet për qindshi të shndërrohen në shqiptarë.
Ju këtu nuk e shoh problem substancial, sepse ëë tash për tash prioritet është ndryshimi i Kushtetutës.
Dhe në momentin e duhur ëë çështja nga njëzet për qind të evidentohet në Kushtetutë, shqiptar, është çështje e kohe dhe e marrëveshme është dhe e dakorduar edhe me VMRO-në edhe me LSDM-në që nuk u paraqet kurrfarë problemi i atyre.

Gazetari: E dakorduar është kjo?
ALI AHMETI: e dakorduar në takime para koalicioneve që janë ndërtuar, por vërtet nuk paraqet asnjë problem, sepse nuk ndryshon, në esencë nuk ndryshon asgjë.
A është njëzet për qind dhe a është shqiptar dhe njëzet për qind është vënë me një marrëveshje, me një dialogim tepër konstruktiv mes Ushtrisë Çlirimtare Kombëtare dhe përfaqësuesit amerikanë dhe evropianë, zotit Pardew dhe Leotar dhe zotit Peter Fejth, sepse zoti Pjeter Fejth ishte ndërmjetësuesi mes palëve!
Pjetër Fejth mbante kontaktet me Ushtrinë Shqiptare Kombëtare dhe me shpjegimet që më janë dhënë mua dhe unë e pranova kompromisin, që nga shqiptarët, që të arrihet marrëveshja për t’ia lehtësu delegacionet dhe lehtësuesve ndërkombëtarë unë e pranova që nga shqiptarë njëzet për qind!
Po u dakordua edhe përfaqësuesi i PDSH-së asokohë zoti Xhaferi dhe bashkë u dakorduam edhe zoti Imer Imeri, bashkë u dakorduam do të thotë si dy forca politike që asistonin në negociatat e Ohrit dhe Ushtria Çlirimtare Kombëtare që ndërmjetësonte zoti Pjetër Fejth!
Dhe thotë ky ishte një dakordim ashtu siç u dakorduam që shqiptarët, flamurin kombëtar shqiptar do e kenë në përdorim në pesëdhjetë për qind ku jetojnë shqiptarët dhe në tetëdhjetë për qind ku jetojnë shqiptarët, flamuri është në përdorim, me përjashtim atje ku janë nën pesëdhjetë për qind dhe kjo është bërë me një mirëkuptim dhe me një analizë të mirëfilltë mes Ushtrisë Çlirimtare Kombëtare dhe partivet që i merrn pjesë në negociata dhe jemi dakorduar dhe tash arsyet me kalimin e kohës edhe do të tregohen pse u arrit ky dakordim!

Gazetari: Po cili është shpjegimi juaj për atë që thonë oponentët tuaj politikë shqiptarë, në këtë rast që hapja e Kushtetutës për të bërë për të akomoduar pakicave tjera e jo për t’u marrë fort të drejtat e shqiptarëve?
ALI AHMETI: Ëëë sepse bullgarët nuk janë kategori kushtetuese.
Nuk janë fare!
Lëre më nuk vjenë në konsideratë që të kenë një të drejtë të ushtrojnë, sepse nuk janë kategori kushtetuese,futen hebrenjtë, futen egjiptianët, futen malazezët, kroatët si kategori kushtetuese, aq numra sa janë!
Mirëpo, kjo çështje tani ka marrë përmasa të një shqetësimi të jashtëzakonshëm tek komuniteti maqedonas, sepse gjoja se ata do humbin identitetin e tyre, ata do të zhduken, ata do të shpërbëhen, këto shqetësime dhe ky terror që që po ushtrohet, duket se bëhet për për qëllime të politikave të ditore më shumë nga partitë opozitare për ta shtyrë vendin drejt zgjedhjeve të parakohshme!
Për zgjedhjet e parakohshme, nuk bëjnë zgjidhjet të problemeve!
Cila është oferta, për shembull, e partive opozitare!
Çka do të bëjnë pas zgjedhjeve, që po i organizojmë zgjedhjet, ta zëmë.
Në shtator, në tetor mund të shkojmë në zgjedhje të parakohshme.
Kush janë garancat e tyre?
Çfarë oferte kanë këta për qytetarët?
A e din domosdoshmërinë se pa ndryshimin e Kushtetutës ne nuk mund të hapim negociatat, nuk mund të mbahet se negociatat i kemi kry, por nuk mund të mbahet mbledhja e dytë ndërqeveritare në mes të Qeverisë së Republikës së Maqedonisë së Veriut dhe Bashkimit Evropian!
Dhe çështjet që janë të kushtëzuara, kush është oferta e e tyre, që po shkojmë në zgjedhje.
Çka do të bëjmë me zgjedhjet?
Tash thonë, mos s’duhet bërë ndryshimi i Kushtetutës.
Nuk e votojmë Kushtetutën.
Të shkojmë në në zgjedhje.
Kërkesa e parë e opozitës ka qenë.
Ne votojmë ndryshimet kushtetuese me kusht që Bashkimi Demokratik për integrim të braktisë qeverinë.
Akoma pa e kryer kryetari i opozitës Konferencën e Shtypit, unë jam përgjigj: në vend po tërhiqem në momentin që ti voton ndryshimin e Kushtetutës
Dhe pas tre katër ditësh të gjithë ministrat e Bashkimit Demokratik për Integrim me shkrim ia kanë dorëzuar Kabinetit të Kryeministrit dorëheqjet, me kusht që opozita të votojë ndryshimet kushtetuese.

Gazetari: Ndërkohë, a ka pasur ndonjë reflektim qoftë deklarativ të opozitës?
ALI AHMETI: Pasi e bëri kërkesën që po ne e votojmë ndryshimin e Kushtetutës, por të tërhiqet Bashkimi Demokratik, tani e ndryshoj kursin.
Tha jo, do shkojmë në zgjedhje të parakohshme.
Unë po t’i kërkove që të tërhiqet Bashkimi Demokratik, që unë po tërhiqem.
Votoj ndryshimin e Kushtetutës, jo në zgjedhje të parakohshme.
Edhe në zgjedhje të parakohshme jemi dakord.
Shkojmë në zgjedhje të parakohshme.
Votoje ndryshimin e Kushtetutës, të nesërmen e shpërbëjmë parlamentin!

Gazetari: Si do të duket konfiguracioni ndëretnik, po themi kështu, në Maqedoninë e Veriut me ndryshimet kushtetuese me përqindje, po themi kështu, sa potencialisht do të mund të jenë komuniteti bullgar?
Për sa perqindë janë?
A ka ndonjë analizë përafër?
ALI AHMETI: Cfarë mërzie ju ka zënë juve rajonin tani.

Gazetari: Po përpiquemi ta sqarojmë si çështje.
Si do të duket konfiguracioni ndëretnik?
ALI AHMETI: Tani, ne as s’mund t’i shtojmë shqiptarët, as nuk mund t’i zvogëlojmë, as nuk mund t’i shtojmë bullgarët as mund t’i zvogëlojmë aq sa janë, por nuk mendoj që aq për sa pretendohet njëqind e pesëdhjetë mijë, dyqind mijë që kanë në nënshtetësi bullgare…

Gazetari:Që në përqindje sa sa mund të jetë?

ALI AHMETI:  Pra, ajo shkon, për shembull, sigurisht dy-trembëdhjetë-pesëmbëdhjetë për qind, po ë…, kështu që me rëndësi është njihja të drejtën, sepse vetënjohja kategori kushtetuese e komunitetit bullgar me automatizëm më thotë, Bullgaria pranon komunitetin maqedonas, sepse edhe këtu është problemi. Politikat në Bullgari nuk kanë pranuar komunitet maqedonas, por të gjithë kanë thënë jan bullgar.
Dhe kjo është arritur dhe suksesi i madh i joni është, ose si Republika e Maqedonisë së Veriut, me hapjen e Kushtetutës dhe futjen e bullgarëve në kategori kushtetuese.

Gazetari: Pse keni thënë që do t’i gjykojë historia ata të cilët nuk veprojnë siç duhet në këtë kohë?Është shumë jetike për këtë shtet të ecet përpara me ndryshime kushtetuese?
ALI AHMETI: Ndryshimi i Kushtetutës, futja e bullgarëve të kategori kushtetutës dhe e komuniteteve, pakicave dhe të tjera, ne na hap shtegun e ardhmërisë.
Pa anëtarësim në Bashkimin Evropian.
Ne njerëzit do na largohen, përditë po braktiset vendi.
Nuk braktiset vendi se nuk ka punë këtu, këtu ka punë shumë.
Veç te unë kanë ardh disa kompani më thonë ju jeni parti politike, ju lutemi a ka mundësi të angazhoheni, sepse s’kemi krahë pune.
Fabrika që kanë hapë shqiptarët, ju ke tre fabrika veç në Bogovinë që vizitova, në Kormnjon, do të thotë që kërkonin punëtor.
Është zona e lirë ekonomike.
Kërkohen punëtorë për çdo ditë, kërkohen.
Edhe në të gjitha zonat kërkohen punëtorë përditë, por njerëzit duan një jetë më të mirë.
Njerëzit po e braktisin këtë vend dhe shkojnë në Gjermani, shkojnë në Zvicër, shkojnë në shtetet skandinave.
Spanjollët, portugezët, të gjithë e kanë braktisë Gjermaninë, Zvicrën, shtetet skandinave janë kthy në vendet e tyre me anëtarësimin në Bashkimin Evropian, sepse parafrohen standardet.
Tash është raporti para dy muajsh qeverisë irlandeze, katërqind mijë polakë e kanë braktisë Irlandën, dhe janë kthy në Poloni.
Vetëm sot patriotizmi më i madh është me i ndalë njerëzit, mos e braktisim vendin dhe të mendohet dekadën e ardhshme se si të kthehen ata që janë që kanë mbetur jashtë.
Me patriotizëm nuk kthehen ata, me fraza patriotike nuk kthehen, kthehen me veprime konkrete.
Do të thotë, bëhesh anëtar i Bashkimit Evropian, do të kesh prioritete, në fonde, në infrastrukturë e kështu me radhë.
Do të thotë kështu gjëra duhet të nëndodhin dhe duhet të jemi racionalë.
S’ka patriotizëm pa mbulesë.

Gazetari: A është e gatshme opozita maqedonase që të votojnë ndryshimet kushtetuese?
ALI AHMETI: Ka një debat shumë, shumë, shumë të fortë brenda tyre dhe janë shumë të ndarë.
Edhe partitë politike, edhe LSDM-ja, edhe VMRO-ja, në mesin e tyre ka pro ndryshimit dhe kundër ndryshimit.
Dhe sot ka edhe në LSDM që janë kundër ndryshimit.
Ka në VMRO që janë kundër ndryshimit, po ka edhe për ndryshim të Kushtetutës në VMRO dhe janë të ndarë dhe sot, kështu që duhet të shihet në kohë.

Gazetari: A duket problematike, me mundësinë që edhe të mos kalojë?
ALI AHMETI: E lehtë nuk është, por do kalojë.

Gazetari: Do kalojë?
ALI AHMETI: Nuk ka zgjidhje tjetër.

Gazetari: Nëse nuk kaloi zoti Ahmeti?
ALI AHMETI: Tash Bashkim, bo vki hana nesër rrëzohet, se sipër është.

Gazetari: S’po flasim për astrologjinë tash, po flasim për zhvillim politike.
ALI AHMETI: asteologji eshtë, mundet, çohet dikush dhe nesër thot hana ka me u rrotëzu.

Gazetari: A do të bie do të bie Qeveria nëse s’kaloi ndryshim kushtuese?
ALI AHMETI: Qeveria nuk nuk bjen.
Qeveria tërhiqet.
Në momentin që opozita i voton ndryshimet kushtetuese dhe shkohet në zgjedhje të parakohshme.

Gazetari: Po në qoftë se nuk kalojnë ndryshimet kushtetuese zoti Ahmeti, i cili do të jetë hapi politik?
ALI AHMETI: Tani unë e thashë, hapen sytë, hëna rrëzohet, po ajo nuk e rrëzohet.

Gazetari: Nuk e rrëzohet?
ALI AHMETI: Po.

Gazetari: Nuk do të bie Qeveria?
ALI AHMETI: Nuk do të bie Qeveria dhe ndryshimi i Kushtetutës do mos duhet të bëhet, sepse po fiton vendi, fiton ardhmëria, fiton rajoni, fiton paqa, stabiliteti, siguria, ardhmëria, a e shihni me çka bëhet në Ukrainë me raketa?
Por rrezikohet paqa stabiliteti me butona të bombave atomike.
Është interes i Evropës, është interes i rajonit që ne të jemi të kujdesshëm në trajtim të situatave, të mos shkojmë me koka të tym e flakë, po të shkojmë me koka të mençura dhe akull, po me zemra të përcaktuara fort dhe të zjarrtë në zemër të jemi.

Gazetari: Pasojat për Maqedoninë e Veriut, duke qenë se ka bërë një marrëveshje për të ecur përpara me ndryshimet kushtetuese, tash hipotezen, po në bazë të diskursit po po bëjmë pyetje dhe po e analizojmë situatën.
Mund të jenë të mëdha në qoftë se do të ketë ngecje edhe në aspektin e integrimit?
ALI AHMETI: Veç që i shtohet një problem më shumë Evropës, Amerikës, hëpërhë është problemi Kosovë – Serbi!
Dhe unë mendoj se përmende Marrëveshjen e Ohrit, për herë të parë në Marrëveshjen e Ohrit bëhet marrëveshje Kosovë – Serbi.
Të gjitha marrëveshjet që janë nënshkruar janë nënshkruar përpara Prishtinë – Beograd.
Marrëveshja e Ohrit është Kosovë – Serbi.

Gazetari: Mes shtetesh?
ALI AHMETI: Mes shtetesh.

Gazetari: Si të gjitha marrëveshjet e tjera janë nënshkru në cilësi Prishtinë-Beograd?
Edhe ato të Brukselit dy mijë e trembëdhjeta?
ALI AHMETI: Po të merrni shifi, Prishtinë-Beograd jan.
Shifi për herë të parë dhe që del në konferencë shtypi përfaqësuesi i Evropës dhe paraqet marrëveshjen Kosovë – Serbi, jo Prishtinë Beograd.
Kështuqë duhet pasur parasysh që komuniteti ndërkombëtar është shumë i angazhuar që Kushtetuta këtu të ndryshohet, jo që ka, do të përbëjë ndonjë përfitim material as Amerika as Evropa, po përfitimi është më i madhi për ne, edhe financiar edhe politik, rajoni më stabil dhe angazhim më të madh për ta mbyllë problemin Kosovë – Serbi.

Gazetari: E di që jeni një person …
ALI AHMETI: Dhe jo të bëhen tre probleme. Një problem e kemi.

Gazetari: E kam këtë pyetje në fund, sepse në fund të emisionit.
E di që jeni një person që e keni goxha për qejf historinë dhe i dini shumë gjëra nga historia.
Pse Ohri përzgjidhet për marrëveshje? Sepse jo vetëm për marrëveshje mes Kosovës dhe Serbisë, por edhe shumë marrëveshje tjera janë në Oher.
Cili është shpjegimi juaj?
Pse zgjidhet Ohri?

ALI AHMETI: E para është qytet me lashtësie.
Është një qytet që lehtësisht njihet në hartat ndërkombëtare.
Më shumë njihet Ohri sesa Shkupi, më shumë aterohet për në Ohër nga të huajt, sesa në aeroportin e e Shkupit për vizita, për takime, për kështu me radhë!
Domethënë e ka simbolikën e vet Ohri dhe pikërisht.

Gazetari: Janë bërë disa marrëveshje aty zoti Ahmeti?
Takime të rëndësishme e tjera.
ALI AHMETI: E ka edhe një porosi tjetër.
Ohri pas koferencës së Shën Stefanit, ka qenë, pas rrënies së Velika Tërnovës, Kryeqytet i Bullgarisë.
Bullgaria shpall kryeqytet Ohrin.

Para një mijë e tetëqind e shtatëdhjetë e tetës, do të thotë Bullgaria e shpall Ohrin kryeqytet të vetin!
Dhe nga një mijë e tetëqind e shtatëdhjetë e teta deri në një mijë e nëntëqind e njëzetin, do të thotë këtu ka qeverisë administrata bullgare paralelisht me atë e serbe.
Dhe është një mijë e nëntëqind e njëzet që, përfundimisht si fituese e luftërave të para ballkanike dhe botërore, Franca me bllokun e Serbisë e duravit Serbinë dhe ia merr të drejtën e qeverisjes Bullgarisë mbi Maqedoninë dhe Kosovën, sepse edhe Kosova ka qenë nën administrimin dhe qeverisjen bullgare.
Serbia investon nga një mijë e tetëqind e shtatëdhjetë e teta, deri një mijë e nëntëqind e njëzetin në aspektin kulturor, Bullgaria në drejtimin infrastrukturor janë ndërtu hekurudha,deri një mijë e nëntëqind e gjashtëmbëdhjetën është inauguru hekurudha Sofje Ohër dhe pikërisht këtu është.
Tani këta janë vlerësimet e mia.
Pikërisht për të dhënë një porosi, që komuniteti ndërkombëtar i njeh Maqedoninë, Republikën e Maqedonisë ne 2001 në Marrëveshjen e Ohrit, e njeh Republikën e Maqedonisë jo larg Ohrit në Prespë.

Gazetari: Edhe ishte marrëveshja e madhe?
ALI AHMETI: U bë marrëveshja me palën greke dhe në Ohër janë bërë një varg konferencash ndërkombëtare, përfshirë këtu edhe marrëveshjen Kosovë – Serbi, për të apeluar dhe për të dhënë porosi edhe te komuniteti vendor, po edhe te fqinjët që mund të kontestojnë identitetin dhe integritetin e Maqedonisë, që kini kujdes se ky është shtet i njohur ndërkombëtarisht.

Gazetari: A mund të ktheheni sërish në Ohër për ta gjetur një konsensus për ndryshimet kushtetuese?
ALI AHMETI: mendoj që s’ka nevojë për të shkuar në Ohër, në Shkup, do të zgjidhet edhe s’ka nevojë jashtë Kuvendit të Republikës së Maqedonisë së Veriut do te thote territori është shumë i kufizuar për të bërë lëvizje taktiko-strategjike.

Gazetari: Zoti Ahmeti, faleminderit shumë që na dhatë intervistë për RTK Prime.
ALI AHMETI: Faleminderit edhe për kohën tuaj.

Gazetari: Miq të nderuar, faleminderit edhe juve që na ndoqet. Ishim në këtë intervistë me kryetarin e Bashkimit Demokratik për Integrim në Maqedoninë e Veriut, zotin Ali Ahmeti, me të cilin folëm për shumë zhvillime që ndërlidhen edhe me Kosovën, por edhe me këtë shtet.

Mirupafshim