Të gjithë janë të afeksionuar pas modelueses Irina Shayk për bukurinë marramendëse që ajo ka dhe për profesionin që ushtron, por në dashuri ajo është me të vërtetë e pafat.

Fillimisht gjërat mes saj dhe yllit të futbollit Cristiano Ronaldos nuk shkuan mirë, më pas erdhi dhe lamtumira nga aktori Bradley Cooper. Me aktorin modeluesja ka një vajzë të quajtur Lea De Seine, e lindur në vitin 2017.

Tani që bota e modës është disi në një ngërç për shkak të pandemisë, Irina Shayk ka kthyer trotuaret e qytetit në pasarelën e saj. Ajo është fotografuar teksa shëtit të voglën Lea. Ajo u shfaq e veshur me një bluzë të bardhë që i tregonte barkun e sheshtë e të tonifikuar, ndërsa më të hijshme e bënte xhaketa e zezë që mbante veshur.