Sipas njoftimeve të medias Izraeli planifikon të dërgojë në ditët në vijim një delegacion në kryeqytetin e Katarit, Doha, për të zhvillluar bisedime indirekte me Hamasin. Portalet izraelite të lajmeve citojnë burime qeveritare.

Bisedimet e ndërmjetësuara nga Katari, Egjipti dhe SHBA-ja synojnë arritjen e një armëpushimi 60-ditor në luftën e Gazës dhe lirimin e pengjeve që mban Hamasi.

Sipas mediave propozimi është për lirimin gradual të dhjetë pengjeve izraelite dhe dorëzimin e eshtrave të peneve të vrarë. Në këmbim nga burgjet izraelite do të lirohen një numër më i madh të burgosurish palestinezë. Gjatë armëpushimit palët pritet të negociojnë për një përfundim të përhershëm të luftës.

Burime nga Rripi i Gazës thonë se prej ofensivës së Izraelit që nga mëngjesi i së shtunës aty janë vrarë dhjetëra vetë.

Agjencia palestineze e lajmeve ËAFA njofton se të paktën 50 vetë ishin vrarë prej sulmeve ajrore dhe në incidente të tjera. Shumë viktima pati në radhët e atyre që prisnin në radhë për ushqim.

Autoritetet e Gazës thanë se kishte pasur të paktën 70 të vrarë.