Forcat e Mbrojtjes së Izraelit (IDF) kanë shpërndarë pamje që tregojnë avionët luftarakë izraelitë duke u nisur për sulmet në Iran mëngjesin e sotëm, si dhe momentet kur ata u kthyen pas kryerjes së operacionit.

Ushtria izraelite njoftoi se rreth 200 avionë të Forcës Ajrore morën pjesë në këto sulme masive, duke hedhur mbi 330 municione ndaj më shumë se 100 objektivave strategjike brenda territorit iranian. Ky operacion është pjesë e përpjekjeve të Izraelit për të goditur programin bërthamor dhe udhëheqësit ushtarakë të Iranit.