Ja kur do të vendoset për hapjen e kufijve në Kosovë

30 maj 2020 | 12:59

Shefi i kabinetit në Ministrinë e Infrastrukturës dhe Ambientit, Alban Zogaj, ka bërë me dije se në javën e parë të qershorit do vendosin për hapjen e kufijve tokësor dhe ajror.

“Faza e tretë e hapjes do të fillojë prej 1 qershorit e tutje dhe ne po shpresojmë shumë që gjatë javës së parë të kemi diskutime serioze për të parë se si do hapen kufijtë dhe më pastaj me automatizëm do i hapim edhe fluturimet dhe aeroportin, kështu që unë po vlerësoj se kjo javë e parë e qershorit do jetë kyçe për të marrë një vendim i tillë, pra akoma nuk është marrë një vendim i tillë, akoma nuk e kemi një datë të saktë se kur do ndodhë kjo. Por qershori është kyç…”.

“Ne po varemi dhe jemi në koordinim me MSh-në dhe IKSHPK-në në mënyrë që me na e dhënë dritën e gjelbër dhe kur mund të vazhdojmë tutje me fazën e tretë dhe me hapje eventuale të kufijve dhe fluturimeve”, ka thënë Zogaj, raporton “Kosovapress”.

Qeveria e Kosovës më 13 mars, ka mbyllur kufijtë tokësorë për shkak të mos përhapjes së pandemisë. Covid-19.

Lajme të sponsorizuara

Të fundit
Në një aksion, që duket si skenë filmash, dy çifte…