Ja kur planifikon Rusia ta shpall fitoren dhe ta sulmojë sërish Kievin

27 maj 21:15

Rusia raportohet se po shqyrton një sulm të dytë në kryeqytetin ukrainas Kiev.

Medusa, një faqe interneti e pavarur ruse e lajmeve, tha se “ka shpresa të reja në Moskë se mund të fitojë luftën në Ukrainë”.

Administrata e Putinit ka filluar të mendojë se mund të arrijë një fitore të plotë deri në fund të vitit, ka shumë të ngjarë deri në vjeshtë, raportuan burimet e Medusa.

Sipas Medusa, dy burime janë “afër Kremlinit” dhe i treti “brenda administratës së Putinit”.

Ekzistojnë pragje “minimale dhe maksimale” për shpalljen e një “operacioni ushtarak special” të suksesshëm dhe të përfunduar”, thotë Medusa.

Minimumi është pushtimi i supozuar i rajonit lindor të Donbass. Qëllimi maksimal është kapja e Kievit, shtoi Medusa. Një sulm i mëparshëm në kryeqytet dështoi, duke çuar në një fokus në Donbass.

Moska duket se po planifikon një përpjekje tjetër për të marrë Kievin. “Udhëheqësit ushtarakë rusë padyshim janë pajtuar me faktin se kryeqyteti ukrainas nuk mund të “kapet me pak gjakderdhje”, që do të thotë se çdo ofensivë e dytë do të kërkonte më shumë trupa”, shkruan Medusa.

Lajme të sponsorizuara

Të fundit
Nesër do të varroset babai i Hysni Gucatit, Avdullah Gucati.…