Juventusi vazhdon të punojë për transferimin e Edon Zhegrovës.

Janë orë shumë të nxehta për merkaton bardhezi, pasi Damien Comolli po punon për të përforcuar sulmin. Nëse për qendrën e sulmit emri është ai i Kolo Muanit, për sulmuesin anësor po vazhdohet të insistohet për Edon Zhegrovën.

Futbollisti i lindur më 1999 përfaqëson zgjidhjen e minutës së fundit për t’i dhuruar një lojtar të ri ofensiv, Igor Tudorit.

Sot, palët janë ende larg një marrëveshjeje, raporton gazetari italian Gianluca Di Marzio.

Juventusi po vlerëson gjithashtu ta marrë Zhegrovën pavarësisht nga shitja e mundshme e Nico Gonzalezit te Atletico Madrid.

Në sezonin e kaluar, Zhegrova ka luajtur 21 ndeshje në të gjitha kompeticionet, duke shënuar tetë gola dhe dhënë dy asistime (një prej tyre për Jonathan David pikërisht në sfidën kundër Juventusit në fazën e grupeve të UEFA Champions League).

Merkato në Itali mbyllet më 1 shtator në orën 20:00.