Kamenica pranon donacion 100 bombola për shuarjen e zjarrit dhe disa helmeta
24 janar 2021
| 16:44
Komuna e Kamenicës ka pranuar një donacion nga “Kosovatex Sh.P.K”, i cili përfshinë rreth 100 bombola për shuarjen e zjarrit dhe disa helmeta.
Me këtë rast, kryetari i kësaj komune, Qëndron Kastrati, ka shprehur mirënjohje të thellë për secilin që po shpreh gatishmërinë për ta ndihmuar komunën në forma të ndryshme.
“Sot pranuam një donacion nga ‘Kosovatex Sh.P.K’, e cila na dhuroi rreth 100 bombola dhe disa helmeta. E falënderoj për këtë bashkëpunim. Po ashtu, i shpreh mirënjohje edhe Luan Kastratit i cili mundësoi që ky donacion të arrij në Kamenicë”, ka thënë Kastrati.