Ministri i Forcës së Sigurisë së Kosovës (MFSK), Rrustem Berisha, ka pritur në takim ambasadorin e Kanadasë, Daniel Maksymiuk.

Në takimin e përbashkët të ministrit Berisha dhe diplomatit Maksymiuk është biseduar për marrëdhëniet e mira ndërmjet dy shteteve dhe ndërmjet Ministrisë së FSK-së dhe Ministrisë së Mbrojtjes të Kanadasë.

Me këtë rast ambasadori e ka falënderuar ministrin Berisha për pritjen, si dhe e ka përgëzuar për punën dhe arritjet e përgjithshme të FSK-së. Ai ka shprehur bindjen se edhe më tutje do të vazhdojë bashkëpunimi mes dy shteteve mike.

“Kanadaja është shtet mik i Kosovës dhe do të vazhdojë me përkrahjen e vazhdueshme për Kosovën”, ka thënë ai.

Ndërsa, ministri i MFSK-së, Rrustem Berisha, e ka falënderuar diplomatin për mbështetjen e vazhdueshme që Kanadaja po jep për Kosovën, si dhe e ka njoftuar atë, me zhvillimet e fundit për tranzicionin e FSK-së dhe miratimin e ligjeve që pritet të bëhen më 14 dhjetor nga Kuvendi i Kosovës.

/Epoka e re/