Deputeti i Partisë Demokratike të Kosovës (PDK), Ardian Kastrati,  ka reaguar në lidhje me Projektligjin për tekstet shkollore, i cili të premten ka marrë miratimin e Komisionit për Arsim të Kuvendit të Kosovës.

Kastrati e ka quajtur Arbërie Nagavcin ministre mediokre dhe kulm të paturpësisë.

“Arbërie Nagavci është kulmi i paturpësisë dhe e padije deri në absurd! Të orkestruar nga një ministre mediokre sot në Komisionin për Arsim deputetët e LV-së kaluan projektligjin për tekstet shkollore i cili u kontrabandua nga mazhoranca me vota të vjedhura në Kuvend. Përveç deputetëve të LV-së që vijnë nga bota e anonimatit, presionit dhe orkestrimit të kësaj loje të pistë iu nënshtruan edhe dy profesorë universitar nga LV. Totalisht me zero integritet”, ka shkruar Kastrati në “Facebook”.