Deputeti i Kuvendit të Kosovës nga radhët e Partisë Demokratike të Kosovës (PDK), Rrahman Rama ka njoftuar se së bashku me 40 ligjvënës të tjerë ka ndërmarrë të gjitha veprimet e nevojshme institucionale për inicimin dhe miratimin e ligjit për mbrojtjen e vlerave të luftës së UÇK-së.

Rama ka bërë me dije në ‘Facebook’ se deri më tani nuk është proceduar me dorëzimin zyrtar për shkak të paqartësive lidhur me mundësinë e shpërndarjes së Kuvendit.