Me mocionin e iniciuar nga Lidhja Demokratike e Kosovës dhe mbështetjen e partive opozitare sonte është rrëzuar Qeveria Kurti, mirëpo mocionin e LDK-së nuk e mbështeten të gjithë deputetët e saj.
Vjosa Osmani, Haxhi Avdyli dhe Ardian Shala nga LDK kanë votuar kundër mocionit.
Për rrëzimin e qeverisë kanë votuar 82 deputetë, nga 117 sa ishin të pranishëm në sallë, ndërsa kundër votuan 32 deputetë dhe një prej tyre abstenoi.
Seanca ka filluar rreth orës 11:00 dhe është shoqëruar me debate të ashpra mes deputetëve.
/Epoka e re/
