Lideri i ri suprem i Iranit, Mojtaba Khamenei, ka thënë se Irani nuk do të hezitojë të “hakmerret për gjakun e iranianëve” që janë vrarë.

Kjo vlen sidomos për rastin në Minab, ku një sulm amerikan pranë një shkolle vrau 168 persona, përfshirë rreth 110 fëmijë.

Irani thotë se shkolla u godit nga një raketë amerikane, por ShBA-të kanë mohuar përgjegjësinë ndërsa po hetojnë, shkruan “BBC”.

Mojtaba Khamenei u emërua si udhëheqësi i ri suprem i Iranit më 8 mars.

Ai është pasardhësi i babait të tij, Ali Khamenei, i cili është vrarë në ditën e parë të luftës mes ShBA-së dhe Iranit, më 28 shkurt.

Që nga emërimi i tij, ai nuk është parë në televizionin shtetëror dhe mesazhi i tij u lexua me zë nga prezantuesi.