Kim Kardashian rrëfen mes lotësh ngjarjen më të frikshme të jetës
Më pas gjatë intervistës, 39-vjeçarja tregoi se si gjatë orës 3 të mëngjesit kishte dëgjuar disa zhurma nëpër shkallë dhe po kuptonte se disa njerëz po i afroheshin dhomës së saj, ndaj vendosi të kërkonte menjëherë ndihmë. Gjatë momentit që po fliste për ngjarjen e tmerrshme, Kim shpërtheu në të qara.
Kim Kardashian rrëfeu se në momentin e grabitjes ishte e veshur vetëm me një rrobdishan dhe mendoi se ndonjë nga hajdutët mund ta përdhunonte.
“Po mendoja, ‘Në rregull, tani do të më përdhunojnë. Kjo do të ndodhë, thjesht përgatitu. Kështu që u përgatita dhe pastaj – nuk e di pse po qaj, kam folur për këtë më parë – dhe pastaj ai më lidhi me pranga dhe kravata me zinxhir dhe pastaj më vendosi shirit ngjitës në gojë e në sy”, rrëfeu Kim mes lotësh.
“Mendoja vetëm për Kourney, mendoja se ajo do të vinte në shtëpi dhe do të më gjente të vdekur në dhomë dhe do të mbetej e traumatizuar për gjithë jetën”, vijoi ajo.
Kim tha se e gjithë ajo ngjarje ishte e mirëorganizuar, sepse nuk kishte se si hajdutët të hynin aq lehtë në dhomën e saj të hotelit.