E premte, 19 prill 2024

Kjo familje vendos emblemën e UÇK-së në shtëpi

21 qershor 2021 | 18:51

Familja e Sokol Halil Bajramit nga fshati Molliq i Gjakovës ka vendosur në hyrje të shtëpisë simbolin e Ushtrisë Çlirimtare të Kosovës dhe flamurin kombëtar shqiptar.

Familja e Sokol Halilit i është përgjigjur luftës së UÇK-së dhe ka dhënë kontribut të çmuar gjatë luftës për liri.

Për vendosjen e emblemës së UÇK-së në shtëpinë e tyre e ka bërë me dije djali i tyre, Halil Bajrami, ish-ushtar i UÇK-së.

Bajrami ka shkruar në profilin e vet në “Facebook” se më në fund u vendos simboli i krenarisë kombëtare.

Postimi i plotë i Halil Bajramit:

Më në fund u vendos SIMBOLI I KRENARISË KOMBËTARE në ballë të kullës sonë! Aty ku, sapo të vijmë nga një ditë e lodhur nga brenga të ndryshme, reflektimi i këtij simboli, na freskon ndjenjat dhe shpirtin tonë dhe na mbush me plotë energji pozitive!