Ronald Koeman beson se gara për titullin në La Liga do të zgjasë deri në javën e fundit. Skuadra katalanase për momentin mban vendin e tretë në tabelën e renditjes, 7 pikë larg nga Atleticos kryesuese.

“Blaugranat” do ta sfidojnë Huescan të hënën në mbrëmje për të ngushtuar më shumë diferencën.

“Kam thënë gjithmonë se do të jetë një sezon i gjatë. Pikët për Atleticon në pjesën e parë të sezonit nuk ishin normale. Ata janë të fortë dhe shumë efektivë. Pasi humbëm në transfertën ndaj Cadizit, kemi shumë për të mësuar. Gara për titullin mund të shkojë deri në javën e fundit dhe do të jetë shumë e vështirë për ne, Atleticon dhe Real Madridin. Skuadra jonë ka shumë potencial sepse kemi shumë kualitet që mund të ndryshojnë gjërat. Flitet shumë për të rinjtë, por duhet ta theksojmë cilësinë, përkushtimin dhe energjinë e lojtarëve më të vjetër si Leo [Messi], [Sergio] Busquets, [Jordi] Alba, Sergi Roberto, [Gerard] Pique … Në përgjithësi ekipi ka shumë potencial”, ka deklaruar Koeman.