Në kuadër të Menaxhimit të Financave Publike, Komisioni Evropian në Raportin për Kosovën 2019, vlerëson portalin e Transparencës së Ministrisë së Financave “https://ptmf.rks-gov.net/”.

“Ky portal në një format më të përdorshëm dhe të lexueshëm, ka ndikuar në rritjen e transparencës buxhetore për institucionet qendrore dhe ato komunale. Me këtë rast, Ministri i Financave Bedri Hamza shpreh përkushtimin për avancimin e mëtutjeshëm të sistemit të portalit të transparencës së Ministrisë së Financave, në funksion të transparencës buxhetore dhe informimit më të mirë të qytetarëve të Kosovës për shpenzimin e parasë publike”, thuhet në komunikatën e Ministrisë së Financave.