Kryetari i Komunës së Kamenicës, Qëndron Kastrati, ka bërë me dije se ka larguar nga hapësirat publike posterët e kryetarit të PDK-së, Kadri Veseli.

Ai ka thënë se posterët nuk mund të vendosën në hapësirat publike pa marrë leje nga komuna që drejton.

“Hapësirat publike nuk mund të shfrytëzohen pa marrë leje nga organet komunale. Inspektorati komunal sot ka larguar posterë nga shtyllat publike, për të cilat nuk është prezantuar leje. Kamenica ka rend e rregull. Ju faleminderit që e respektoni!”, ka shkruar Kastrati në llogarinë e vet në “Facebook”.

/Epoka e re/