Sot gjatë ditës kryetari i Komunës së Podujevës, Shpejtim Bulliqi, ka nënshkruar marrëveshje me përfaqësuesen e NLB Banka për pranimin e një kombi-bus, si formë donacioni për organizatën HANDIKOS në Podujevë.

Qëllimi i dhurimit të donacionit është lehtësimi i bartjes së personave në Handikos dhe plotësimin e nevojave të tyre.

Gjatë ceremonisë së donacionit mori pjesë edhe drejtori i Handikos-it në Podujevë, Idriz Hoxha.

Kryetari Bulliqi i falënderoi përfaqësuesit e bankës NLB për donacionin, si dhe shprehu zotimin e tij për angazhimin institucional në përmirësimin e kushteve të personave me aftësi të veçanta.