Komuna Skenderajt dhe “Qatar Charity mbështesin familjet në nevojë
Komuna e Skenderajt në bashkëpunim me organizatën ”Qatar Charity”, kanë shpërndarë grante për fermerët e Skenderajt.
Në kuadër të këtyre granteve janë përfshirë gjashtë multikultivatorë dhe një kositëse bari për shtatë familje në nevojë të kësaj komune.
Kryetari i Komunës së Skenderajt, Bekim Jashari, në emër të qytetarëve të Skenderajt, ka shprehur mirënjohje për organizatën Qatar Charity”, për përkrahjen e dhënë në vazhdimësi për qytetarët e komunës.
Edhe drejtori i Drejtorisë për Bujqësi, Sokol Sallahu ka falënderuar organizatën për bashkëpunimin si dhe ka përgëzuar fermerët përfitues, duke i uruar që të arrijnë suksese në angazhimet e tyre rreth bujqësisë.
Këto grante të shpërndara janë në kuadër të memorandum bashkëpunimit, të nënshkruar nga Kryetari Jashari dhe drejtori i organizatës Mahmoud Abbas Shaker, përmes të cilit janë ndihmuar familjet në kushte të renda ekonomike, me ndarjen e 50 granteve në vlerë totale prej 75.000.00 euro.
Nga ky memorandumi, komuna në bashkëpunim me organizatën, kanë dhuruar 23 sera bujqësore, 20 shoqëri bletësh, 6 multikultivatorë dhe një kosë, ku si qëllim kryesor është fuqizimi i ekonomik i familjeve në nevojë.
(Q.R / Epoka e re)