Komuna e Podujevës ka bërë me dije se komunitetet, rom, ashkali dhe egjiptian lirohen nga pagesa e shërbimeve të gjendjes civile përgjatë muajit prill 2022.

“Bazuar në vendimin e Ministrisë së Administrimit të Pushtetit Lokal (MAPL), Drejtoria e Administratës në Komunën e Podujevës, njofton qytetarët e komuniteteteve rom, ashkali dhe egjiptian për lansimin e fushatës për regjistrim falas në librat e regjistrit civil”, ka njoftuar Komuna e Podujevës.

Sipas këtij njoftimi, kjo fushatë zgjatë deri në fund të muajit prill 2022, ndërsa ka për qëllim promovimin e të drejtave të komuniteteve, sidomos të regjistrimit të faktit të lindjes dhe të regjistrimit të mëvonshme, si segment i rëndësishëm i të drejtave të njeriut.