Republika e Kosovës dhe Maqedonia e Veriut kanë nënshkruar sot marrëveshje në fushën e bashkëpunimit juridik ndërkombëtar.

Marrëveshja e nënshkruar nga ministrja e Drejtësisë, Albulena Haxhiu, dhe ministri i Drejtësisë së Maqedonisë së Veriut, Bojan Mariçiq, do të lehtësojë procedurat e bashkëpunimin në mes të dy vendeve.

“Jemi të angazhuar që të fuqizojmë raportet me vendet e Ballkanit Perëndimor. Ky është nënshkrimi i parë i marrëveshjeve dhe do të vijojnë edhe me Shqipërinë. Qëllimi i kësaj marrëveshjeje është lehtësimi procedurave civile. Mbrojtja juridike, shtetasit e secilës palë gëzojnë të drejtat e mbrojtjes juridike”, ka thënë Albulena Haxhiu, ministre e Drejtësisë së Kosovës.

Kurse, ministri i Drejtësisë së Maqedonisë së Veriut, Bojan Mariçiq, ka deklaruar se bashkëpunimi në mes të dy vendeve do të vazhdojë. “Iniciativa për nënshkrimin e marrëveshjes tregon se bëjmë politika që të lehtësojmë procedurat për qytetarët e dy vendeve. Jam i bindur se bashkëpunimi mes Kosovës dhe Maqedonisë së Veriut do të vazhdojë, në këmbim të përvojave dhe harmonizim të legjislacionit evropian”, ka deklaruar ai.