Përfaqësuesja e Kosovës në hendboll është vendosur në qendrën olimpike në Szczyrk të Polonisë, aty ku e zhvilloi stërvitjen e radhës nën urdhrat e selektorit Agron Shabani para ndeshjes me Poloninë.

Ekipi i Kosovës ka udhëtuar të martën për në Poloni, ndërsa ndeshja do të zhvillohet sot (e enjte) nga ora 17:45 në “Bielsko-Biala”.

Atmosfera te “dardanet” është shumë pozitive dhe vashat janë të përkushtuara për ta dhënë maksimumin për ngjyrat e shtetit. Ndeshjet me Poloninë i takojnë fazës së dytë kualifikuese për Botërorin e këtij viti.