Kryetari i Partisë Demokratike të Kosovës, Memli Krasniqi ka përkujtuar sot këngëtaren Nexhmije Pagarusha në tre vjetorin e vdekjes së saj.

“Tri vjet pa bilbilin e Kosovës, Nexhmije Pagarushën. Gjatë një jete me krijimtari, Nexhmija udhëhoqi një gjeneratë të tërë artistësh drejt misionit të vështirë, por jetik, të ndërtimit të skenës kulturore në Kosovë. Përjetësisht në kujtimet dhe zemrat tona, Mbretëreshë. Sytë për ty i kemi të njomë!”, ka shkruar Krasniqi.