Kryebashkiaku Veliaj takon ministrin Matoshi, flasin për mbrojtjen e mjedisit  

12 shtator 2018 | 14:17

Ushtruesi i detyrës së ministrit të Mjedisit dhe Planifikimit Hapësinor (MMPH), Fatmir Matoshi, në kuadër të vizitës së tij zyrtare në Shqipëri, është pritur në takim edhe nga kryetari i Bashkisë së Tiranës, Erion Veliaj, me të cilin kanë diskutuar mbi përvojat më të mira për mbrojtjen e mjedisit.

Me këtë rast, Matoshi ka përgëzuar kryetarin Veliaj për idetë dhe projektet që ka implementuar në shërbim të krijimit të një mjedisi të pastër.

Ai ka thënë se mjedisi dhe mbrojta e tij është prioritet dhe kështu së bashku duhet të kontribuojmë për një mjedis të pastër në Kosovë e Shqipëri.

Ministri Matoshi ka prezantuar edhe fushatën tre mujore për pastrimin e Kosovës, të cilën kryetari Veliaj e ka vlerësuar si shumë të rëndësishëm në vetëdijesimin e qytetarëve për kujdesin që duhet të kenë për mjedisin.

Nga ana tjetër, kryetari i Bashkisë së Tiranës, Erion Veliaj, ka folur për masat që ai është duke marrë në fushën e mbrojtjes se mjedisit duke përfshirë lehtësirat për veturat elektrike, ndërtimin e stacioneve për mbushjen e tyre, largimin nga përdorimi i qeseve plastike etj.

Ai ka vlerësuar vendimin e Qeverisë së Republikës se Kosovës për ndalimin e importimit të veturave më të vjetra se 10 vjet.

Sipas Veliajt, ky vendim duhet të vazhdojë pasi që kështu i kontribuon krijimit të një mjedisi më të pastër.

Gjatë vizitës në Tiranë ministri Matoshi ka marrë pjesë dhe në një aksion të pastrimit të organizuar nga iniciativa e të rinjve “Shqipëria Ndryshe”, me ç’rast ka vlerësuar se iniciativat e tilla tregojnë përkushtimin e gjeneratave të reja për një mjedis të pastër.

/Epoka e re/ 

Lajme të sponsorizuara

Të fundit
Sot është ngjarja e madhe për kompaninë “Apple” e paralajmëruar…