Xhevat Xh. Latifi

1.

Në përthyerje të vitit 1944 Gjilani, do të përjetojë Netët e Bartolomeut, me vrasjen dhe masakrimin e mijëra qytetarëve nga çetniko-komunistët serb. Burra dhe gra që kuptuan mashtrimin do vriten e burgosen edhe për vite e decenie nga shteti që ndërtuan socnacionalistët serb.
Epika e një burri si Ramiz Cërnica, është e ngritur mbi këtë leksion – Kombet që nuk mësojnë nga historia paguajnë tagrin e përsëritjes!
Tribuni që po përfaqësonte vullnetin e popullit e kishte kuptuar mirë këtë lekcion të historisë andaj në Kuvendin e Prizerenit, do të shoshte “Jo me Sërbinë”.

2.

Ai e dinte se mund ta paguante me kokë, por afshi i urtësisë dhe largpamësisë prej burri nuk mund të pranonte me vullnet, me votë parlamentare ndarjen e kësaj pjese të etnisë.
Historia i ka dhënē të drejtë kësaj mendje të ndritur të kombit.
JO-ja e Ramiz Cernicës, më 1945 kundër aneksimit të Kosovës me Serbia e ka pasur, e ka dhe do ta ketë peshën dhe rëndësinë e vet historike kombëtare si një dëshmi të një kombi që pasqyron pjekurinë e vetë politike për shtetndertim.
Ramiz Cërnica, është simbol i shkrirjes së vullnetit deri në flijim, i guximit dhe urtësisë që haptas të deklarojë me çmimin e jetës, edhe pse i rrethuar nga aparati i dhunës shtetërore jugosllave, Ai është kundër aneksimit të Kosovës nga ana e Serbisë, duke shprehur njëkohësisht vullnetin e popullit të Kosovës për bashkim me Nënë Shqipërinë, që ishte premtuar në Konferencën e Bujanit.

3.

Për atdhedashurinë, për largpamësinë politike të Ramiz Cërnicës, më kishte folë edhe babai im, ndryshe nga ajo që fliste nomeklatura politike e kohës.
Shqiptarët që kurrë nuk i kishin besuar socializmit pansllavist, gjeneratë pas gjenerate mbajtën gjallë ëndrrën e bashkimit të Kosovës me Shipërinë.
Ata kanë ruajtur në gji JO-në, e Kuvendit të Prizrenit, e në Bacën Ramiz, panë urtësinë, udhërrëfyesin e hartës kombëtare që kulmoi në vitin 1999 me Luftën e Ushtrisë Çlirimtare të Kosovës dhe aleancën e botës demokratike në ballë me SHBA-në.
Historia e parlamentarizmit tonë , para dhe pas shpalljes së Pavarësisë së Republikës së Kosovës, në figurën dhe personalitetin emblematik të Ramiz Cërnicën e ka ekzemplarin unik për ta shkruar mbamendjen e çdo deputeti, se si shprehet dhe mbrohet vullneti i e popullit për liri.
Dhe kur po afrohen ditët për tu vendosë shtatorja e Ramiz Cernicës në Gjilan, Ai plis bardhë që duket në panonë mbi godinën e Kuvendit Komunal dikur ish-Gjykatës, ku janë pre fatet e njerëzve që e donin lirinë. Qyteti është mbushur me pëllumba që biejnë në tokë e ngritën me lojën e dashurisë që lekundin nga krahët.
Ky vend plis bardhësh krejt çka kanë dashur gjatë historisë eshtë paqja!

18 dhjetor 2022
Gjilan