Në nderim të 18 Prillit, ditës së Dëshmorëve të Komunës së Prishtinës, “Shoqata Malësia e Marecit” të cilën e udhëheq kryetari Shaip Pacolli, ditë më parë organizoj pastrimin e varrezave të Dëshmorëve në fshatrat e Marecit.

Po ashtu për t’i nderuar dëshmorët me datë 18 prill 2022, në sheshin “Zahir Pajaziti” në bashkëpunim me Transfuzionin e gjakut të QKUK-së, u organizua dhurimi vullnetar i gjakut, ku përveç anëtarëve të “Shoqatës Malësia e Marecit”, gjak dhuruan edhe një numër simbolik i qytetarëve.

Vullnetarët e gjakut i vizitoj edhe ministri i Shëndetësisë së Republikës së Kosovës, Arben Vitia, kryetari i Komunës së Prishtinës, Përparim Rama, kryetari i Partisë Demokratike të Kosovës, Memli Krasniqi, nënkryetarja e PDK-së, Vlora Çitaku dhe shumë personalitete të shoqërisë civile.

Shoqatat e dala nga lufta, dhe “Shoqata Malësia e Marecit”, të shoqëruara nga kryetari i Prishtinës, Përparim Rama, bënë homazhe dhe vunë kurora lulesh në varrezat e Dëshmorëve të Prishtinës.

Në orët e pasdites Kuvendi Komunal i Prishtinës organizoi akademi përkujtimore për 76 dëshmorët e Komunës së Prishtinës, që u mbajt në Sallën e kuqe në Pallatin e Rinisë, e cila ishte e mbushur me qytetarë të Prishtinës.

Akademinë e moderoi Arbana Qeriqi.

Në emër të Shoqatave të dala nga lufta e UÇK-së foli kryetari i Shoqatës së Familjeve të Dëshmorëve, Naser Pacolli, i pasi përmendi vlerat, meritat dhe kontributin kolosal të dëshmorëve për lirinë që e gëzojmë sot. Mes emocionesh, mes tjerash përmendi vështirësitë ekonomike që po kalojnë familjet e dëshmorëve, invalidëve dhe veteranëve të UÇK-së edhe 24 vite pas luftës.

“Të lëna në harresë nga institucionet, ndërkohë që aq shumë buxhet i Republikës së Kosovës është derdhur për t’i rahatuar minoritetet, kategoritë më meritore për lirinë e Kosovës ende po vuajnë për gjëra elementare, siç është banimi, punësimi, çështjet shëndetësore etj”, ka potencuar Pacolli.

Kryetari i Prishtinës, Përparim Rama, foli me pietet për dëshmorët dhe ndër të tjera tha se 18 prilli jo rastësish është edhe Dita e Monumenteve, dhe rastësia e kësaj date që përkon me ditën e dëshmorëve nuk më duket edhe aq rastësi, sepse dëshmorët janë monument në zemrat dhe mendjet e popullit tonë.

Akademia u shoqërua edhe me program artistik, një pikë baleti dhe një recital për dëshmorët të cilin e deklamoj aktori Avdi Gërvalla!

Dëshmorët janë Historia dhe Lavdia e popullit tonë.
Ata janë liria jonë.
Liria dhe të rënët për liri meritojnë më shumë respekt.
Qoftë i përjetshëm kujtimi dhe nderimi për Dëshmorët.
Qoftë e përjetshme Liria.
Borxhin ndaj Tyre e kemi të përjetshëm.
Gjaku u bëftë dritë.
(për aq sa artita të i formohem, në këtë ngjarje të rëndësishme ku u kujtuan dëshmorët e kryeqytetit të Kosovës Prishtinës, nuk morën pjesë qeveritarët dhe gazetarët)

Shefqete Gosalci
Prishtinë
18 prill 2023