Kryetari i LV-së, Albin Kurti, ka postuar një video gjatë një takimi që ka pasur mbrëmë me qytetarët në Vushtrri.

“61% ishte rezultati i VETËVENDOSJE!-s me partnerë në zgjedhjet e 28 dhjetorit në Vushtrri. Më 7 qershor krejt Vushtrria edhe një herë 116, e gjithë Kosova si Vushtrria”, ka thënë Kurti.

Ai ka theksuar se në kuadër të punëve të tyre të mira për këtë qytet të vjetër me traditë në sport e kulturë, javën e kaluar nënshkruan kontratën për rindërtimin e stadiumit “Ferki Aliu”.

“Klubit të Futbollit “Vushtrria” i urojmë suksese në rrugën drejt rikthimit në Superligë. Ju faleminderit për mikpritjen e ngrohtë mbrëmë dhe mbështetjen e vazhdueshme”, ka shkruar Kurti.