Kurti në Mbretërinë e Bashkuar, pritet nga ministri i jashtëm

01 nëntor 11:13

Gjatë qëndrimit të tij në Mbretërinë e Bashkuar, kryeministri Albin Kurti u prit nga ministri i Punëve të Jashtme të Mbretërisë së Bashkuar, James Cleverly.

Kurti fillimisht shprehu ngushëllimet e tij për vdekjen e madhërisë së saj, Mbretëreshës Elizabeta II.

Në këtë takim, kryeministri Kurti e uroi ministrin e ri të Punëve të Jashtme të Mbretërisë së Bashkuar, Cleverly për detyrën e re dhe i dëshiroi suksese në përgjegjësitë e reja.

Ai e falënderoi për mbështetjen e vazhdueshme të Mbretërisë së Bashkuar dhe e ftoi për bashkëpunim edhe më të thellë ndërmjet dy vendeve, në veçanti në fushën e shkëmbimeve tregtare dhe ekonomi.

Ministri i Punëve të Jashtme, James Cleverly shprehu dashamirësinë dhe admirimin britanik për Kosovën, duke çmuar lart të arriturat e shtetit të Kosovës dhe qëndrimin që Kosova po mban nga fillimi ndaj agresionit rus në Ukrainë.

Lajme të sponsorizuara

Të fundit
Bad News Eagles e kanë arritur edhe fitoren e dytë…