Kurti për vrasjen e Qerim Kelmendit: Policia dhe prokuroria ta hetojnë këtë vrasje mizore

27 shkurt 15:19

Kryeministri i Republikës së Kosovës, Albin Kurti, ka reaguar për vrasjen e ish-ushtarit të UÇK-së, Qerim Kelmendi.

Me këtë rast, Kurti ka thënë policia dhe prokuroria duhet ta hetojnë me gjithë kapacitetin e tyre këtë vrasje mizore që është më shumë se krim.

“Herët nga ministria e pastaj nga mediet mësuam se është vrarë dhe djegur në makinën e tij, Qerim Kelmendi, ish ushtar i UÇK-së. 21 vjet pas luftës, në kohë të paqes, askush nuk duhet të jetojë me ndjenjën e frikës e sidomos ata që sakrifikuan më së shumti. Policia dhe prokuroria duhet ta hetojnë me gjithë kapacitetin e tyre këtë vrasje mizore që është më shumë se krim”, ka shkruar Kurti në llogarinë e vet në “Facebook”.

/Epoka e re/

Lajme të sponsorizuara

Të fundit
Kryeministri i Republikës së Kosovës, Albin Kurti, i shoqëruar nga…