Kryeministri i Kosovës, Albin Kurti ka takuar ambasadorin e Italisë në Kosovë, Maurizio Antonini.

Ambasadori italian e ka uruar Kurtin për detyrën dhe përgjegjësinë e tij në krye të qeverisë, duke riafirmuar përkrahjen e Italisë për Kosovën dhe përkushtimin për vazhdimin e bashkëpunimit të ngushtë ndërmjet dy vendeve.

Gjatë takimit është diskutuar zhvillimet aktuale politike në vend, si dhe mundësitë për thellimin e bashkëpunimit në fushat e biznesit, kulturës dhe drejtësisë.

Të dy palët kanë shprehur vullnetin për avancimin e partneritetit dypalësh dhe forcimin e lidhjeve institucionale në interes të qytetarëve të të dy vendeve.