Një burrë i martuar dhe prind i 3 fëmijëve ka 4 vite që shkon në punë me fustan dhe taka për të treguar se veshja nuk ka gjini.

Mark Bryan, një amerikan që jeton në Gjermani, shkon në punë i veshur si femër por thotë se nuk është homoseksual. Në përshkrimin e vetes në rrjetet sociale lexohet: “I martuar, më pëlqejnë makinat Porsche, femrat e bukura dhe më pëlqen që të kombinoj taka dhe fustane në veshjen time”.

“Vishem kështu sepse nuk më pengon njeri që të vishem. Ka njerëz që më pyesin nëse jam homoseksual. Në disa raste u them që nuk është puna e tyre, herë të tjera u them që nuk jam. Nuk kam dëgjuar ndonjëherë që të pyesin ndonjë femër a është lesbike sepse ka veshur pantallona. Partnerja ime dhe fëmijët nuk e kanë problem veshjen time”, shprehet Bryan.