Instituti Kombëtar i Shëndetësisë Publike të Kosovës ka njoftuar se brenda 24 orëve të fundit kanë vdekur katër persona nga koronavirus dhe janë regjistruar 733 raste të reja te infektimit.

Në njoftimin për medie, IKShPK-ja ka treguar se gjatë kësaj kohe janë shëruar 137 pacientë. “Gjatë 24 orëve të fundit, janë shëruar 137 pacientë derisa numri i përgjithshëm i të shëruarve deri më sot është gjithsej 16.499 raste, kurse numri i rasteve aktive është 8.845”, ka njoftuar instituti.