Ky është shqiptari që luan në filmin “Sulejmani i Madhërishëm”

26 shtator 2020 | 20:42

Luran Ahmeti, është bërë tashmë i famshëm në Turqi, ku ka luajtur edhe në një nga serialet më të ndjekura të të gjitha kohërave, si “Sulejmani i Madhërishëm”, në rolin e Kusret Pashait.

Në një intervistë për News24 në rubrikën “Opinion” Luran Ahmeti thotë se i vjen keq që në trojet shqiptare ai nuk është thirrur për ndonjë film, por pranon se një gjë të tillë do ta mirëpriste. Lurani tregoi edhe njohjen e parë me producentët turq.

“Në vitin 2008 një produksion turk erdhi në Maqedoni për të xhiruar një serial në Manastir. Isha fatlum që më pranuan dhe më dhanë një nga rolet kryesore. Fati im i mirë është që ai serial pati sukses në Turqi e më pas më hapi rrugët e karrierës atje”,- tha ai.

I pyetur se si ka mundësi që nuk dallon fare nga aktorët turq, Lurani u shpreh: “Punova shumë me gjuhën kur shkova në Turqi. Kam punuar tmerrësisht shumë. Për mua ka qenë nder të luaj një serial të tillë. Natyrisht jam ndjerë i nderuar shumë. Kam dhënë maksimumin nga vetja, gjithmonë brenda kornizave të produksionit. Shumicën e aktorëve të atij seriali unë i kam miq dhe ndjehem mirë kur bashkëpunoj me ta”.

I pyetur për rolet që preferon aktori shqiptar shtoi:

“Fakultetin e kam mbaruar në Shkup për dramaturgji. Nëse nuk mund të jem heroi, atëherë kam vendosur të bëhem antiheroi, jo diçka më pak. Në dramaturgji asnjëherë aktori hero nuk mund të jetë i mirë nëse nuk e ka edhe antiheroin e mirë. Ju kam thënë që nuk jam dakord të luaj në role që nuk janë heroi ose antiheroi”,- shtoi ai.

Lajme të sponsorizuara

Të fundit
Doan Tahirbegolli është zgjedhur kryetar i Aleancës së të Rinjve…