Lahi Brahimaj ftohet nga Gjykata Speciale

11 shkurt 18:11

Ish-gjenerali i Ushtrisë Çlirimtare të Kosovës nga Dukagjini, Lahi Brahimaj brenda pak ditësh pritet të intervistohet nga prokurorët e Dhomave të Specializuara pranë Gjykatës Speciale.

Vlen të përmendim faktin se Brahimaj ishte i akuzuar edhe më herët nga Tribunali i Hagës.

Në një prononcim për Indeksonline, Brahimaj ka konfirmuar se ka pranuar ftesën nga Specialja derisa ka thënë se është e çuditshme se çfarë po ndodh me atë institucion.

“E çuditshme se çka po ndodh në Gjykatën Speciale. Lahi Brahimaj dy herë nga Tribunali i Hagës, ftohet prapë për intervistë. I ftuari më i ri, ishte në gjykim dy herë dhe i njëjti u shpall i pafajshëm. 

Ligjet e Gjykates Speciale e thojnë ndryshe, drejtësi se jo mahi”, ka thënë mes tjerash Brahimaj në një bisedë për Indeksonline.

Ndryshe, deri më tani prokurorët e Speciales kanë intervistuar disa ish pjesëtarë të UÇK-së, ndërsa në Hagë kishin udhëtuar vetëm Rrustem Mustafa- Remi, Sami Lushtaku dhe Faton Mehmetaj etj.

Fjalët Kyçe:

Lajme të sponsorizuara