Lakersat rikthehen te fitorja, pasi e mposhten me rezultat 100-92 New Yorkin jashtë fushe, ndeshje e vendosur në pjesën e dytë në favor të ekipit kalifornian. Dyshja Davis-James realizoi 49 pikë së bashku, duke qenë vendimtare në këtë sukses.

Humbet skuadra tjetër e Los Anxhelosit, ajo e Clippers, që është mposhtur me rezultat 102-95 nga Atlanta, duke lëshuar edhe vendin e dytë në Perëndim. Edhe pse Clippersat e dominuan ndeshjen (Harrell 30 pikë), duke u shkëputur deri në 21 pikë, nuk arritën të fitojnë. Për Atlantan u dallua Collins, autor i 33 pikëve dhe 16 rebound.

Pas katër humbjesh rikthehet te fitorja skuadra e Houstonit, që mundi me rezultat 121-105 Denverin, një përballje mes dy ekipesh pretendente në Perëndim. Skuadra teksane e dominoi gjatë gjithë kohës ndeshjen dhe e meritoi fitoren, ku u dalluan

Westbrook me 28 pikë e Harden me 27. Për Denverin shkëlqeu Jokiq, me një “triple double” (19 pikë, 12 rebound e 10 asistime), por që mbetën për statistikë. Fitore të lehtë arriti skuadra kampione e Toronto, që mundi 107-95 Philadelphia (VanVleet 22 pikë), ndërsa Utah Jazz mposhti 129-96 Golden State (Mitchell 23 pikë). /Telesport/

NBA

Detroit – Sacramento                127-106
Orlando – Oklahoma                 114-120
Toronto – Philadelphia             107-95
Atlanta – Clippers                      102-95
Boston – Memphis                     119-95
Miami – Washington                 134-129
New York – Lakers                     92-100
Chicago – Minnesota                 117-100
Houston – Denver                      121-105
Phoenix – Indiana                      87-112
New Orleans – San Antonio     117-121
Golden State – Utah Jazz          96-129