Vetëvendosja dhe Vjosa Osmnai synojnë ndryshimin e Kushtetutës së Kosovës brenda natës me amandamentimin e çështjes së zgjedhjes së Presidentit të Kosovës.

Latifi tha se një shpejtësi të tillë do ta kishte zili çdo shtet autoritar.

Postimi i plotë:

Që po e zëmë se kryhet krejt kjo aventurë e rreziksjme: në mesditë propozohen ndryshimet bazike të Kushtetutës, pasdite shqyrtohen në komisionin parlamentar, dikur natën votohen, ndërsa në mëngjes hyjnë në fuqi.

Çdo shtet autoritar do të na e kishte zili këtë shpejtësi në shkatërrimin e rendit kushtetues.

Sigurisht, kjo aventurë nuk do të kalojë. Por dëmi gjithsesi do të bëhet. Dhe ky dëm është devalvimi i plotë i shtetit, për të cilin, si sot, 28 vjet më parë, u bë një sakrificë e jashtëzakonshme.