Lavrovi bën thirrje për zbatim të marrëveshjeve Kosovë – Serbi

21 shtator 2018 | 13:51

Ministri i Jashtëm i Rusisë, Sergei Lavrov, ka thënë se shteti rus e përshëndet dialogun ndërmjet Prishtinës dhe Beogradit si dhe ka bërë thirrje që marrëveshjet që arrihen nga ky dialog të zbatohen.

“Është e nevojshme të respektohen parimet e rezolutës 1244. Ne e përshëndesim dialogun e drejtpërdrejt ndërmjet Prishtinës dhe Beogradit por më e rëndësishme është që ajo që arrihet përmes dialogut të realizohet vërtetë”, ka thënë Lavrovi, gjatë një vizite që po realizon të premten në Bosnje- Hercegovinë, raporton “Rel”.

Ai ka theksuar të gjithë lojtarët e Jashtëm në Ballkan nuk duhet të krijojnë ndonjë situatë konflikti dhe se asnjëri nuk duhet të mendojë se vetëm ai ka të drejtë të merret me situatën në Ballkan dhe të tjerët jo.

Pas takimeve me autoritetet e Bosnje Hercegovinës, Lavrov ka thënë se Rusia mbështet integritetin dhe sovranitetin e Bosnje Hercegovinës.

Lajme të sponsorizuara

Të fundit
Skuadra kampione e Premier Ligës, Manchester City ka bërë të…