Leverkuseni mposhti Bayernin dhe marshon drejt titullit
Bayer Leverkusen ka shënuar fitore ndaj Bayern Munich me rezultat 3-0 në kuadër të derbit të javës së 21-të në Bundesliga.
Vendasit e nisën fuqishëm ndeshjen duke kërkuar golin e epërsisë dhe atë e gjetën shumë shpejtë.
Zhvillohej minuta e 18-të, kur Robert Andrich asistoi te Josip Stanisic i cili arriti ta mposht Manuel Neuerin për 1-0.
Josip Stanisic wanted to celebrate and remembered that he is at Leverkusen on loan from Bayern ???
— Boris (@boris001234) February 10, 2024
Pas golit ishte një lojë e fortë dhe luftë për çdo top, duke mos sjellë gola të tjerë.
Metë filluar pjesa e dytë, Bayer Leverkusen hipotekoi fitoren, kur Nathan Tella asistoi te Alejandro Grimaldo që shënoi për 2-0.
Grimaldo with the 2-0 for Leverkusen
— Bayern & Football (@MunichFanpage) February 10, 2024
Në fundin e ndeshjes, Jeremie Frimpong ka mundur ta shtojë edhe më tej rezultatin, por që në vend të rrjetës qëlloi shtyllë.
Por i njëjti nuk gaboi në kohën shtesë dhe shënoi për 3-0, duke konfirmuar formën e shkëlqyer në këtë sezon.
Me këtë fitore Bayer Leverkusen ka 55 pikë, tani pesë më shumë se sa Bayern Munich që është i dyti.
